ەلوردادا قازاقستاندىق مانەرلەپ سىرعاناۋشى مۇز ۇستىندەگى ەرەكشە شوۋىن وتكىزەدى
بۇل تۋرالى قازاقپارات جوبانىڭ باسپا ءسوز حاتشىسى دانارا جۇمانوۆاعا سىلتەمە جاساپ حابارلايدى.
ءداستۇر بويىنشا قازاقستاندىق سپورتشى جانە الەمدىك مانەرلەپ سىرعاناۋ جۇلدىزى ەلوردا قوناقتارىنا ەرەكشە جوبا ۇسىنادى. ول ءوزىنىڭ اۆتورلىق باعدارلاماسىن كانادالىق رەجيسسەر- قويۋشى شەي-لينن بۋرنمەن بىرگە ازىرلەپ جاتىر. وعان قازاقستاننىڭ ەسترادا-سيمفونيالىق وركەسترى مۋزىكالىق سۇيەمەلەۋ جاسايدى. شوۋ ءبىر ۋاقىتتا 11,5 مىڭ ادام سياتىن «بارىس- ارەنا» مۇز سارايىندا وتەدى.
دەنيس تەننىڭ مۇز ۇستىندەگى شوۋى بەس جىل بۇرىن شىعارىلعان. بۇل جىلدارى مانەرلەپ سىرعاناۋشىنىڭ كەشىنە ون مىڭداعان قازاقستاندىق جينالعان ەدى. 2014 -جىلى دەنيس تەننىڭ شوۋى ءۇشىن جاپونيادان 500 تۋريست كەلگەن بولاتىن. ولارعا كەشتىڭ ۇناعانى سونشالىق، جوبا تۋرالى ارنايى دەرەكتى فيلم ءتۇسىردى. سونداي-اق، كۇنشىعىس ەلى شوۋدىڭ تەلەۆيزيالىق ترانسلياتسياسى قۇقىعىن ساتىپ الۋعا نيەت ءبىلدىردى.
«2016 -جىلدان بەرى جوبانى ۋاقىتشا توقتاتقان ەدىك. ەكى جىلدا كوپتەگەن جاڭا يدەيالار پايدا بولدى. ولاردى ادەتتەگىدەي ساپالى جانە كوز تويمايتىنداي كورىكتى ەتىپ ۇسىنامىز»، - دەيدى دەنيس تەن.
شاراعا قاتىساتىن الەمدىك مانەرلەپ سىرعاناۋشىلاردى ۇيىمداستىرۋشىلار قۇپيا ۇستاپ وتىر.
«دەنيس تەن جانە ونىڭ دوستارى» شوۋىنا بيلەتتەر جاقىن ارادا ساتىلىمعا تۇسەدى.
