گولوۆكين مەن مارتيروسيان جەكپە-جەك الدىندا كوز ارباستى

استانا. قازاقپارات - قازاقستاندىق كاسىپقوي بوكسشى گەننادي گولوۆكين (37-0-1، 33 ك و) مەن امەريكالىق بىلعارى قولعاپ شەبەرى ۆانەس مارتيروسيان (36-3-1، 21 ك و) جەكپە-جەك الدىندا كوز ارباسۋ راسىمىنە قاتىستى، دەپ حابارلايدى Sports.kz.

كەزدەسۋ 5- مامىر كۇنى كارسونداعى (ا ق ش، كاليفورنيا شتاتى) StubHub Center ارەناسىندا وتەدى. 1XBET بۋكمەكەرىك كەڭسەسى بۇل جەكپە-جەككە مىنانداي كوەففيتسيەنتتەر بەرىپ وتىر: گولوۆكيننىڭ جەڭىسىنە - 1.03، مارتيروسياننىڭ جەڭىسىنە - 20، تەڭ تۇسۋىنە - 59.

بۇعان دەيىن مارتيروسيان بۇل كەزدەسۋدە بۇكىل الەمدى تاڭعالدىراتىنىن ايتىپ، ءسوز بەرگەن ەدى. سونداي-اق، گولوۆكيننىڭ بۇعان دەيىنگى قارسىلاستارىنىڭ بارلىعى ودان رينگكە شىقپاي تۇرىپ جەڭىلىپ قالىپ كەلگەنىن ايتىپ، بۇل تۇرعىدا ول ءوزى قازىردىڭ وزىندە «جەڭىسكە جەتكەنىن» جەتكىزگەن بولاتىن.

گولوۆكين بولسا، قارسىلاسىنا ادەتتەگىدەي قۇرمەت كورسەتىپ، بۇل اۋىر سىن بولعالى تۇرعانىن ايتقان. ءتىپتى، ونى «قاۋىپتى بوكسشى» دەپ باعالاعان.