قازاقستاندا جىل ىشىندە قانداي ازىق-تۇلىك ونىمدەرى قىمباتتادى

استانا. قازاقپارات - قازاقستاندا ازىق-تۇلىك ونىمدەرىنىڭ قۇنى 2018-جىلدىڭ ءساۋىر ايىندا 2017-جىلدىڭ سايكەس مەرزىمىمەن سالىستىرعاندا 5,5 پروتسەنتكە قىمباتتادى، دەپ حابارلايدى قازاقپارات ق ر ۇلتتىق ەكونوميكا مينيسترلىگىنىڭ ستاتيستيكا كوميەتىنىڭ باسپا ءسوز قىزمەتىنە سىلتەمە جاساپ.

اتالعان مەرزىمدە الكوگول ونىمدەرىنىڭ باعاسى 11,2 پروتسەنتكە، ءسۇت ونىمدەرى 10,1 پروتسەنتكە، بالىق پەن تەڭىز ونىمدەرى 8,1 پروتسەنتكە، كونديتەرلىك ونىمدەر 7,6 پروتسەنتكە، نان ونىمدەرى 6,2 پروتسەنتكە ءوستى.

سونداي-اق جەمىس-جيدەكتەر مەن كوكونىستەر 4,9 پروتسەنتكە، كوفە، ءشاي، كاكاو 3,3 پروتسەنتكە، ماكارون ونىمدەرى 2,1 پروتسەنتكە، نان 0,8 پروتسەنتكە، ۇن 0,7 پروتسەنتكە، جارما 18,7 پروتسەنتكە، قانت 13,3 پروتسەنتكە قىمباتتادى.

ەت پەن ەت ونىمدەرىنىڭ قۇنى 8,4 پروتسەنتكە ارتقان. ال سيىر ەتىنىڭ باعاسى وتكەن جىلعىدان 8,6 پروتسەنتكە، شوشقا ەتى 8,3 پروتسەنتكە، شۇجىق ونىمدەرى 8,1 پروتسەنتكە، قوي ەتى 7 پروتسەنتكە، قۇس ەتى 2,8 پروتسەنتكە ءوستى.