اسانالى ءاشىموۆ اقتوبەدە «بوران» پەساسىن ساحنالاۋعا ۇسىنىس جاسادى

اقتوبە. قازاقپارات - م. اۋەزوۆ اتىنداعى قازاق مەملەكەتتىك اكادەميالىق دراما تەاترى اقتوبەگە گاسترولدىك ساپارمەن كەلدى.

 باسپاءسوز ءماسليحاتى كەزىندە قازاقستاننىڭ ەڭبەك ەرى ءاسانالى ءاشىموۆ تاحاۋي احتانوۆ اتىنداعى دراما تەاترىندا «بوران» پەساسىن ساحنالاۋعا ۇسىنىس جاسادى، دەپ حابارلايدى قازاقپارات ءتىلشىسى.

م. اۋەزوۆ اتىنداعى قازاق مەملەكەتتىك اكادەميالىق دراما تەاترى 1-5 - مامىر ارالىعىندا اقتوبەلىكتەرگە «اكتەردى ولتىرگەن كىم؟»، «اقتاستاعى احيكو»، «بەيبارىس سۇلتان»، «سىعان سەرەناداسى»، «تاڭسۇلۋ»، «قوشتاسقىم كەلمەيدى» اتتى سپەكتاكلدەرىن ساحنالايدى. ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا وڭىرلەردى ارالاۋعا شىققان تەاتر ۇجىمى سوڭعى 10 جىلدا اقتوبەگە ات ءىزىن سالماعانىن ايتىپ وتىر. شاقىرۋ بولماعان، ۇسىنىس تۇسپەگەن.

«وبلىستاردان شاقىرۋ بولسا، بارامىز. تەاتر ءبىر- ەكى ادامنىڭ شاباداندى كوتەرىپ، جولعا شىعىپ كەتەتىن جۇمىس ەمەس. كاسىبي تەاتر ساحناداعى اتموسفەرانىڭ 50-60 پايىزىن كوشىرىپ اكەلۋى كەرەك. دەكوراتسيا، كوستيۋمگە جاۋاپتى ماماندار دا كەلەدى. ءبىر اپتا بۇرىن ەكى جۇك كولىگى اقتوبەگە جولعا شىقتى. بارلىعى 60-قا جۋىق ادام قوناقۇيگە قونىستاندى. ءبارىن قامتاماسىز ەتۋ قيىنعا سوعادى. تەاتر پايدا كوزى ەمەس، تابىس اكەلمەيدى. رۋحاني قۇندىلىقتار ورداسى قيىندىقتاردى جەڭىپ، اۋدان، اۋىلعا شىعۋعا مۇمكىندىك بولادى دەپ ويلايمىز»، - دەدى دراما تەاتر ديرەكتورى اسحات ماەميروۆ.

اقتوبەگە ارنايى كەلگەن اكتەر اسانالى ءاشىموۆ جاس ارتىستەرمەن كەزدەسىپ، ءوزىنىڭ وي- پىكىرىن ايتتى. الداعى جوسپار - تاحاۋي احتانوۆ اتىنداعى دراما تەاتردا «بوران» پەساسىن ساحنالاۋ.

«ايماقتاعى تەاترلارمەن كەزدەسكەن كەزدە اسانالى ءاشىموۆ «مەن قويايىنشى» دەپ ۇسىنىس ايتپايدى. ءبىراق تاحاۋي احتانوۆ تۋرالى تەبىرەنىپ ايتقان كەزدە جازۋشى، دراماتۋرگتىڭ پاسپورتىنا اينالعان «بورانىن» قويۋدى ۇسىندى. بۇل قازاقستان تەاترلارىندا ۇلكەن قۇرىلىس بولعان شىعارما. اسانالى ءاشىموۆ سەكىلدى ۇسىنىس ايتا بەرمەيمىز. ءبارىمىز كۇتپەگەن كەرەمەت دۇنيە بولدى. جوبا 2019 -جىلى ىسكە اسسا، اكتەرلارعا دا ۇلكەن مەكتەپ بولار ەدى»، - دەدى دراما تەاتر ديرەكتورى اسحات ماەميروۆ.

تاحاۋي احتانوۆ تەاترىندا جازۋشى، دراماترۋگتىڭ سپەكتاكلدەرى ساحنالانۋى ءتيىس. بۇل اسانالى ءاشىموۆتىڭ ەسكەرتۋى، سىنى.

 «ءوزىم «بوران» سپەكتاكلىندە وينادىم. اقتوبە تەاترى تاحاۋي احتانوۆتىڭ اتىن الادى دا، شىعارمالارىن ساحنالامايدى. مىندەتتى تۇردە ساحنالانۋى ءتيىس. مۇحتار اۋەزوۆ تەاترى اۋەزوۆتىڭ دراماتۋرگياسىنا ءجيى بارادى. «اباي»، «ەڭلىك- كەبەك»، «قاراكوزى» بار. سوندىقتان احتانوۆ تەاترى مىندەتتى تۇردە احتانوۆتىڭ شىعارمالارىن قويۋ كەرەك. اتى بار، شىعارمالارى جوق. بۇل دۇرىس ەمەس»، - دەدى اسانالى ءاشىموۆ.

اۆتور: التىناي ساعىندىقوۆا