جەلىدە پاۆلودار وبلىسى اكىمىنىڭ ەرەكشە ۇلتتىق كيىمى قىزۋ تالقىعا ءتۇستى

استانا. قازاقپارات - ينستاگرامداعى «تيپيچنىي پاۆلودار» توبىندا ەرەكشە ۇلتتىق كيىمىمەن كوزگە تۇسكەن پاۆلودار وبلىسىنىڭ اكىمى بولات باقاۋوۆتىڭ سۋرەتتەرى پايدا بولدى.

جەلىدە پاۆلودار وبلىسى اكىمىنىڭ ەرەكشە ۇلتتىق كيىمى قىزۋ تالقىعا ءتۇستى

قوڭىر جەلەتكەسىنە تاستارمەن بەزەندىرىلگەن بەلدىك تاققان وبلىس باسشىسى ەرەكشە ۇلتتىق كيىم كيىپ، جۇرتىڭ نازارىنا ءىلىندى. وبلىس اكىمى بۇل كيىمدى پاۆلودار قالاسىنىڭ ورتالىق الاڭىندا قوناقتار مەن تۇرعىندار ناۋرىز مەرەكەسىن اتاپ وتكەن كەزدە كيىپ شىققان.

«وبلىس اكىمىنىڭ كوستيۋمىن 0 دەن 10 عا دەيىن باعالاڭىزدار نەمەسە پىكىر بىلدىرىڭىزدەر. ءبىراق Instagram-دا جازىلعان پىكىرلەردى «ەڭ كەرەمەت اكىم بولات باقاۋوۆتىڭ» وقيتىنىن ەستە ساقتاڭىزدار»، - دەلىنگەن Instagram-دا جاريالاعان فوتوسۋرەتتىڭ سيپاتتاماسىندا.

 

«ناعىز باتىر سەكىلدى باسقالارىنان ەرەكشەلەنىپ تۇر»، - دەپ جازدى كوممەنتاتورلاردىڭ ءبىرى.

«ءيا وتە قاراپايىم، ءوزىمىزدىڭ ۇلتتىق كيىم. وزىنە جاراسىپ تۇر. ناعىز باتىر سياقتى، قاراپايىم حالىقتان شىققان. مەن 10 بالل دەپ باعالايمىن»، - دەيدى باسقاسى.

 

«ناعىز قازاقتىڭ باتىرى! ءبىزدىڭ وبلىستىڭ ەڭ جاقسى اكىمى. كەزىندە ونىڭ باسشىلىعىمەن اقسۋ قالاسى نۇرلانىپ، گۇلدەنە تۇسكەن ەدى! ءبىزدىڭ ەلگە وسىنداي پرەزيدەنت كەرەك»، - دەيدى باسقا وقىرماندار.

«ونىڭ كەرەمەتتىگى شىندىعىندا تاڭ قالدىرادى. قامشى قايدا؟»، - دەپ جازعان باسقا دا Instagram پايدالانۋشىلارى.

 

دەرەككوز Stan.kz