بيىلعى رامازان ايىنا ءپىتىر ساداقا مولشەرى بەلگىلى بولدى

استانا. قازاقپارات - قازاقستان مۇسىلماندار ءدىني باسقارماسى قاسيەتتى رامازان ايىندا ءپىتىر ساداقا مولشەرىن بەكىتتى، - دەپ حابارلايدى «Sputnik قازاقستان».

بيىل ساداقا مولشەرى وزگەرمەيدى، ياعني 300 تەڭگە بولادى. يسلام قاعيداسىنا ساي ءاربىر مۇسىلمان ءوزى ءۇشىن، بالالارى ءۇشىن جانە قاراماعىنداعىلار ءۇشىن ءپىتىر بەرۋى پارىز. باسىلىم مالىمەتىنشە، وتكەن جىلى دا ءپىتىر ساداقا مولشەرى 300 تەڭگە بولعان. ءپىتىر ساداقانى رامازان ايى اياقتالعانعا دەيىن بەرۋگە بولادى. ساداقانىڭ مولشەرى ۇن باعاسىمەن بىرگە ەسەپتەلىنەدى. قاسيەتتى رامازان ايى بيىل 16 -مامىردا باستالادى.

Kaz.tengrinews.kz