الماتىداعى ەڭ الىپ جىلاننىڭ سالماعى ولشەندى

الماتى. قازاقپارات - الماتى زووپاركىندە قازاقستانداعى الىپ جىلان ءومىر سۇرەدى. ول جۋىق ارادا الەم زووپاركتەرىندەگى ەڭ ءىرى جىلانداردىڭ ءبىرى بولۋى ىقتيمال، دەپ حابارلايدى قازاقپارات ءتىلشىسى.

جالپى الەم بويىنشا اناكوندا مەن تورلى پيتون جىلانداردىڭ ىشىندە الىبى بولىپ سانالادى. 2003-جىلى جۇمىرتقادان شىققان 10 مەترلىك ساندرا لاقاپ اتىنا يە جىلان 15 جىل ىشىندە ايتارلىقتاي وسكەن. نەگىزى تورلى جىلاندار ءومىر بويى ۇزارىپ ءوسىپ تۇرادى.

«بۇگىن ءبىز ونى ولشەدىك. ول 2018-جىلعى 1- مامىرداعى ولشەۋ ناتيجەسىنە سايكەس 5 مەتر 10 سانتيمەتر قۇرادى. جىلاننىڭ ورتاشا سالماعى 80 كەلى. ونىڭ مىنەزى شاتاق، ەڭ دۇرىسى وعان ارتىق تيسۋگە بولمايدى. بيىل تورلى جىلانعا 15 جىل تولادى»، - دەيدى الماتى زووپاركى.

زووپارك ماماندارى مۇنداي ۇزىندىقتاعى جىلانداردى ولشەۋ قيىن ءارى قاۋىپتى ەكەندىگىن العا تارتىپ وتىر.

سەنىمدى اقپارات كوزدەرىنە قاراعاندا، الەمدەگى ەڭ ۇزىن تورلى جىلان 7,5 مەتردى قۇرايدى.