بوس ۋاقىت تابۋ جولدارى

 استانا. قازاقپارات - تاعى ءبىر اپتا زىر ەتىپ وتە شىقتى، ءبىراق ماردىمدى ەشتەڭە بىتپەدى. بۇل جاعداي شىعارماشىلىق ادامداردا، جۇمىس كەستەسى تىعىز مامانداردا بولىپ تۇرادى.

ەندەشە بۇكىل شارۋاعا ۇلگەرىپ، سوم دۇنيەلەردى لەزدە تىندىرىپ تاستاۋعا كومەكتەسەتىن تاسىلدەردى ۇسىنامىز. ەرتە تۇرىڭىز كۇندەلىكتى ساعات 07:00 دە تۇرىپ جۇرسەڭىز، ۇيقى رەجيمىن ءبىراز وزگەرتىپ، 1 ساعات ەرتە ويانۋ كەرەك. ول ءۇشىن اعزانى 6-7 ساعاتتىق ۇيقىعا بەيىمدەپ، ۇيقى سيكلىن كەرى شەگەرۋگە تىرىسىڭىز. ەرتەرەك تۇرىپ ارتىلعان ءبىر ساعاتتا تاڭعى جاتتىعۋ جاساپ، بۇعان دەيىن اسىعىس- ۇسىگىس جاسالىپ جۇرگەن شارۋالاردى بايىپپەن ءبىتىرىپ، ءتىپتى كۇندىك جوسپار جاساپ ۇلگەرۋگە بولادى.

ءبىر ءىستى بىتىرمەيىنشە ەش تىنباڭىز جۇمىس ونىمدىلىگىن ارتتىراتىن العىشارتتاردىڭ ءبىرى -  زەيىن. ادام ميى قانشالىقتى ءبىر جۇمىسقا فوكۋس جاساسا، سونشالىقتى جۇمىس تا تەز ءبىتىپ، ءونىمدى بولماق. ال ءبىر ءىستىڭ باسىن باستاپ، ونى بىتىرمەي ەكىنشى ءبىر شارۋاعا جارماسۋ ۋاقىتتى ەكى ەسە شىعىنداپ، ادامنىڭ دا بەرەكەسىن كەتىرەدى.

سمارتفوننىڭ شىن مانىسىندەگى يەسى بولىڭىز ەگەر الەۋمەتتىك جەلىگە نەمەسە بۇگىن ءبىلىپ ەرتەڭ ۇمىتاتىن اقپاراتتار ايدىنىنا كۇنىنە 1 ساعاتتان ارتىق ۋاقىت جۇمساساڭىز، ۋاقىتىڭىزدىڭ قۇردىمعا كەتىپ جاتقانى جانە جۇمىس ىرعاعىنىڭ بۇزىلعانى. كەرەكسىز، جاڭا اقپاراتپەن مي تولىققان سايىن ادام زەيىنى قاشىپ، ماڭىزدى ىستەر تاسادا قالىپ قالادى. ادام سمارتفوندى تەك قاجەتىن وتەيتىندەي جاعدايدا قولدانسا -  سمارتفوننىڭ يەسى، ال ءبىر شۇقىلاعاننان كەيىن قىزىعىنا تويماي، ەش پايداسىز قايتا- قايتا سيپالاي بەرسە -  سمارتفوننىڭ قۇلى.

ماڭىزدى حابارلامالارعا شۇعىل جاۋاپ بەرۋ كەرەك- اق. ۋاقىتىڭىز ۇنەمدەلەدى. ءبىراق، كەيىن اسىقپاي جاۋاپ بەرۋگە بولاتىن حابارلامالاردى ىسىرا تۇرۋ كەرەك. الەۋمەتتىك جەلىگە كىرەتىن ۋاقىت ارالىعىن بەلگىلەپ العان دا ءجون. مىسالى، ۇيگە قايتار جولدا نەمەسە كەشكى 21:00-22:00 ارالىعىندا كىرۋگە ءوز- ءوزىڭىزدى ماجبۇرلەسەڭىز، ءبىرشاما بوس ۋاقىت پايدا بولعانىن بايقايسىز.

"جوق" دەپ جاۋاپ بەرۋگە دايىن بولىڭىز كۇتپەگەن جەردەن تانىسىڭىز جولىعىپ، نە حابارلاسىپ ءوتىنىشىن ايتىپ جاتاتىن ساتتەر بولىپ تۇرادى. "كوڭىلىن قالدىرمايىن، مەن ءۇشىن بۇل تۇك ەمەس" دەگەن سياقتى ويدىڭ جەتەگىندە كەتسەڭىز، ءبىر ساعاتتىق، ءتىپتى ءبىر كۇندىك شارۋالارىڭىز ىسىرىلا بەرەدى. ءوز جوسپارىڭىزعا زاردابى تيەتىن وتىنىشكە "جوق" دەۋگە دايىن بولىڭىز. سىپايى عانا كەشىرىم سۇراپ، كەيىن ورىنداۋعا مۇمكىندىگىڭىز بار ەكەنىن ايتىڭىز.

كۇندىك جوسپار جاساپ ءجۇرىڭىز ادام بەلگىلى ءبىر ءىستىڭ ماڭىزدىلىعىن ويشا باعالاسا، مي ونى ءوز قاراماعىنا الادى. سوندىقتان، كۇندەلىكتى جوسپار قۇرىڭىز. جاتار الدىندا ەرتەڭ نە ىستەيتىنىڭىزدى، ونى قالاي جۇزەگە اسىراتىنىڭىزدى شولىپ ءوتىڭىز. سوندا عانا جوسپارىڭىز ورىندالمايىنشا ءوزىڭىز دە تىنبايتىن بولاسىز.

 Massaget.kz