اۆستراليا بيلىگى مارجان ارالدارىن قورعاۋعا قارجى ءبولدى
جەرگىلىكتى ارنالاردىڭ مالىمەتىنە قاراعاندا بولىنگەن قارجىنىڭ 200 ميلليوننان استامى سۋدىڭ تازالىعىن ساقتاۋ ءۇشىن اۋىلشارۋاشىلىعى جۇمىستارىن جۇرگىزۋدىڭ تىڭ ادىستەرىن يگەرۋگە جۇمسالادى. قارجى ەكى جىل ىشىندە يگەرىلۋى ءتيىس.
ايتا كەتەيىك، تابيعاتتى قورعاۋ ماقساتىندا اۆستراليا بيلىگى العاش رەت وسىنشاما سوما قاراجات ءبولدى. ەل پرەمەر- ءمينيسترىنىڭ ايتۋىنشا، ۇلكەن توسقاۋىل ءريفى ۇلتتىق قۇندىلىق سانالادى. ونى تاماشالۋعا كەلگەندەردەن جىلىنا مەملەكەت قازىناسىنا 6 جارىم ميلليارد دوللار قارجى تۇسەدى. سونداي- اق 64 مىڭ ادام وسى سالادا جۇمىس ىستەيدى ەكەن.
دجوش فرايدەنبەرگ، اۆستراليانىڭ قورشاعان ورتانى قورعاۋ ءمينيسترى:
- جاسىراتىنى جوق ۇلكەن توسقاۋىل ريفىندەگى جاعداي ءماز ەمەس. 2016-2017 -جىلدارى مارجان تاستار ءتۇسىن جوعالتا باستادى. جاھاندىق جىلىنۋ، دەببي داۋىلى، وعان قوسا كورالدارمەن قورەكتەنەتىن وسىمدىكتەر تاعى بار. ءبارى كەرى اسەر ەتىپ جاتىر. قازىر باستى ماقساتىمىز - سۋدىڭ ساپاسىن كوتەرۋ.
www.24.kz
