جۇزدەگەن مەكسيكالىق ا ق ش- قا ءوتۋدى كوزدەيدى

استانا. قازاقپارات - وسىدان بىرنەشە اي بۇرىن ورتالىق امەريكا ەلدەرىنەن ا ق ش- قا ءوتۋ ءۇشىن اۆتوبۋستارمەن جولعا شىققان جۇزدەگەن ازامات مەكسيكانىڭ تيحۋانا قالاسىنا جەتتى.

اكسياعا قاتىسۋشىلار قۇراما شتاتتاردان جاپپاي باسپانا سۇراۋدى كوزدەپ وتىر. ءسويتىپ اق ءۇي باسشىسى دونالد ترامپتىڭ ميگرانتتار لەگىن ازايتۋ ساياساتىنا نارازىلىعىن بىلدىرمەكشى.

 بۇل ا ق ش اۋماعىنا اتتانىپ تۇرعان العاشقى كەرۋەن ەمەس. ءبىراق وسى بوسقىنداردىڭ بەت الىسى پرەزيدەنت ترامپتىڭ Twitter- دەگى حابارىنا بايلانىستى ايگىلى بولىپ وتىر. سەبەبى اق ءۇي باسشىسى ىشكى قاۋىپسىزدىك مينيسترلىگىنە كەرۋەندى قۇراما شتاتتار شەكاراسىنان وتكىزبەۋگە نۇسقاۋ بەردى.

نيكول راموس، ادۆوكات:

- ءبىز ۇلتشىلدار ەمەسپىز. بوستاندىق ەسكەرتكىشى بەكەر ورناتىلماعان. سەبەبى ءبىزدىڭ مەملەكەت ادام قۇقىقتارىن قورعاۋ ءۇشىن كۇرەسىپ كەلەدى. ال ورتالىق امەريكاداعى جاعدايعا ءبىز تىكەلەي جاۋاپتىمىز. سوندىقتان ونى شەشۋ ءبىزدىڭ مىندەتىمىز. ۇلتشىلدىق پەن ناسىلشىلدىكتىڭ جولىن كەسەمىز.

 ماريا ماگدالەنا مارتينەس، ميگرانت:

 - ۇرەي دە بار، قوبالجۋ دا بار. دەگەنمەن ءوز وتباسىممەن شەكارانى اسىپ، قۇراما شتاتتارعا وتكىم كەلەدى. وسى جەرگە امان- ەسەن جەتكەنىمە دە شۇكىر. ال قۇقىق قورعاۋ ۇيىمدارىنىڭ مالىمەتىنە سۇيەنسەك، جىل سايىن ونداعان مىڭ ادام مەكسيكا ارقىلى ا ق ش- قا وتۋگە ۇمتىلاتىن كورىنەدى. كوبى قىلمىستىق توپتاردىڭ قۇرىعىنا ءتۇسىپ، كوپ زارداپ شەگەدى ەكەن.

www.24.kz