بالالارعا ارنالعان ءسان ۇلگىلەرىنىڭ ەرەكشەلىكتەرى قانداي
ءسان الەمى جىل سايىن جاسارا تۇسۋدە. قازىردە ءبىرقاتار ديزاينەرلەر تەك بالالار توپتامالارىنا عانا نازار اۋدارادى. ولاردى MBFWA Almaty ءسان اپتالىعىنىڭ سوڭعى كۇنىندە ءبىرىنشى رەت كورسەتتى.
«بالالار كيىمى تۋرالى ويلاعاندا، مەندە ءبارى جەڭىل جۇرەدى. مەنىڭشە، اركىمنىڭ ءوز تاعدىرى بار، مەن ءۇشىن بالالار كيىمىن تىگۋ باسقا جۇمىستارعا قاراعاندا الدەقايدا جەڭىل»، - دەدى ديزاينەر ۆيكتوريا ازەربايەۆا.
كيىم تىگۋ مەن بۋتيكتە ساتۋ باسقا، ديزاينەردىڭ ءسان اپتالىعىندا بالالار كيىمىنىڭ كورسەتىلىمىنە قاتىسۋى بولەك. مۇندا كوپتەگەن شارۋالار بار، اتاپ ايتقاندا، بالالار مودەلدەرىن تابۋ، ولاردىڭ اتا- انالارىمەن كەلىسسوز جۇرگىزۋ، بالالاردى دەفيلەگە قاتىسۋعا جانە جاتتىقتىرۋعا ىنتالاندىرۋ.
بالالارعا ارنالعان ءسان ۇلگىلەرىنىڭ ەرەكشەلىكتەرى قانداي «مەن بالالاردى جاقسى كورەمىن، ءارقاشان ءوزىمنىڭ كىشكەنتاي تۋىستارىممەن اۋرە بولىپ جۇرەمىن. بالالار مودەلدەرىمەن دە سولاي، مۇندا دا كىشىگىرىم بالاباقشا سەكىلدى. باستىسى - بايلانىس ورناتۋ جانە ءتارتىپتى ساقتاۋ. اتا- انالارمەن بىرگە ۇزدىكسىز جۇمىس جاسالادى. سونىمەن قاتار بالالار مودەلدەرى دە قاتاڭ تۇردە كەز كەلگەن مودەلدىك اگەنتتىكتەگىدەي ىرىكتەۋ كەزەڭدەرىنەن وتەدى»، - دەدى ۆيكتوريا ازەربايەۆا.
دەگەنمەن دەفيلەگە ونى شىن جۇرەكتەن جاقسى كورەتىن كىشكەنتاي مودەلدەر قاتىسادى.
«ءبىز كورسەتىلىمگە ءبىرىنشى رەت قاتىسىپ وتىرعان جوقپىز، بۇل - ءۇشىنشى كورسەتىلىم. ءبىز دەفيلەگە شىعۋ مۇمكىندىگى تۋرالى قىزىما زاتتار ساتىپ الۋعا بارعان بۋتيكتەن بىلدىك. ديزاينەر بالانى كورىپ، ءبىزدى كورسەتىلىمگە شاقىردى. قىزىمنىڭ مودەلدىك مانساپتى تاڭداۋى وزىنە بايلانىستى. ەگەر قىزىق بولسا، مەن بۇل نيەتىن قولدايمىن»، - دەيدى جاس مودەلدىڭ اناسى مارينا فوكسيەۆا.
ايتا كەتەرلىگى، بالالار مودەلدەرى پوديۋمدا ءبىر ۋاقىتتا ءتارتىپتى، ءساندى جانە ايقىن تۇردە ءجۇرىپ ءوتتى. بۇل، جاتتىعۋلاردىڭ بەكەر كەتپەگەنىن بىلدىرەدى.
