پرەزيدەنت ترامپ كيم چەن ىنمەن تاياۋ ارادا كەزدەسەتىنىن ايتتى
ول بۇل تۋرالى سەنبى وڭتۇستىك كورەيا جانە جاپونيا باسشىلارىمەن تەلەفون ارقىلى سويلەسكەنىنەن كەيىن مالىمدەدى.
Twitter- دەگى پاراقشاسىندا پرەزيدەنت ترامپ وڭتۇستىك كورەيا پرەزيدەنتى مۋن چجە ينمەن «وتە جاقسى» سويلەسكەنىن جانە جاپونيا پرەمەر-ءمينيسترى سيندزو ابەمەن اڭگىمەلەسكەنىن جازعان.
جۇما كۇنى گەرمانيا كانتسلەرى انگەلا مەركەلمەن كەزدەسۋدەن كەيىنگى بريفينگتە دونالد ترامپ سولتۇستىك كورەيا باسشىسىنىڭ وڭتۇستىك كورەيا پرەزيدەنتىمەن كەزدەسۋگە كەلىسۋى ارقىلى «ءوز ويىنىن ويناپ وتىر» دەپ سانامايتىندىعىن ايتقان ەدى. ونىڭ ايتۋىنشا، ءوزىنىڭ سولتۇستىك كورەيا باسشىسى كيم چەن ىنممەن كەزدەسۋى «وتە جاقىن ارادا» وتەدى. پرەزيدەنت ترامپ كەزدەسۋ ۋاقىتىن ناقتى اتاماعانىمەن، مامىردىڭ سوڭى - ماۋسىمنىڭ باسىندا ءوتۋى مۇمكىن ەكەندىگىن ايتقان.
ا ق ش قورعانىس ءمينيسترى دجەيمس مەتتيس تە جۇما كۇنى وسى كەزدەسۋدىڭ ناتيجەلى بولاتىندىعىنا سەنىم بىلدىرگەن.
«ازاتتىق»
