12:17, 29 - ءساۋىر 2018 | GMT +5
ەلوردادا قازاق كۇرەسىنەن «استانا قىرانى» انىقتالدى
استانا. قازاقپارات - ەلوردا تورىندەگى «داۋلەت» سپورت كەشەنىندە قازاق كۇرەسىنەن «قازاقستان بارىسى» تۋرنيرىنە ىرىكتەۋ جارىسى ءوتىپ، «استانا قىرانى» انىقتالدى، دەپ حابارلايدى قازاقپارات ءتىلشىسى.
ءداستۇرلى تۇردە ۇيىمداستىرىلىپ كەلە جاتقان قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» رەسپۋبليكالىق تۋرنيرىنە ىرىكتەۋ سايىسىندا باس جۇلدەنى سەيتان ايبات جەڭىپ الىپ، «استانا قىرانى» اتاندى. ول فينالدا ايتۋار ابدۋلايەۆپەن بەلدەسىپ، جەڭىسكە جەتتى.
ەندى فينالدا بەلدەسكەن قوس بالۋان رەسپۋبليكالىق «قازاقستان بارىسى» تۋرنيرىندە استانانىڭ نامىسىن قورعايتىن بولادى. ال ءۇشىنشى ورىنعا ەرلان الشىنبايەۆ يە بولدى.
جالپى «استانا قىرانى» اتاعى ءۇشىن 23 بالۋان سىنعا ءتۇستى.
اۆتور: كۇنسۇلتان وتارباي
