ەلوردادا شيە باعى سالىنادى
بايقوڭىر اۋدانى اكىمدىگى مەن «حالىقارالىق باعدارلامالار ورتالىعى» ا ق- نىڭ باستاماسىمەن وتكەن شاراعا استانا اكىمدىگىنىڭ وكىلدەرى، قالالىق ماسليحاتتىڭ دەپۋتاتتارى، قوعام قايراتكەرلەرى قاتىستى.
اۋدان اكىمى ەرلان كاناليموۆتىڭ مالىمەتىنە سۇيەنسەك، جالپى قالالىق تازالىق ايلىعىنىڭ سوڭىنا دەيىن 1000 شيە كوشەتى وتىرعىزىلادى دەپ جوسپارلانۋدا.
«اۋدان جاڭا قۇرىلىپ جاتقاندىقتان حالىقارالىق باعدارلامالار ورتالىعى شيە اللەياسىن سىيلاۋدى ۇيعارىپ، بىزگە وسىنداي ۇسىنىس تۇسىرگەن بولاتىن. ءبىز بۇل باستامانى قولدادىق. بۇگىن مىنە، اقبۇلاقتىڭ بويىندا 300 شيە كوشەتىن وتىرعىزىپ جاتىرمىز. بۇدان بولەك، الداعى ۋاقىتتا تاشەنوۆ، پۋشكين جانە اقجول كوشەلەرىندە دە اعاش ەگەتىن بولامىز. سونداي-اق، اۋلا ىشىندەگى اۋماقتاردا دا اباتتاندىرۋ جۇمىستارىن جۇرگىزەمىز»، - دەپ مالىمدەدى ەرلان كاناليموۆ.
ەستەرىڭىزگە سالا كەتەيىك، جالپى قالالىق «استانا - تازا جانە قاۋىپسىز قالا» ەكولوگيالىق ايلىعى 12- مامىرعا دەيىن جالعاسادى.
