حوككەي: قازاقستان قۇراماسى ەليتالىق ديۆيزيونعا شىعا المادى

استانا. قازاقپارات - ءبىرىنشى ديۆيزيون اراسىندا بۋداپەشتە وتكەن الەم چەمپيوناتى قازاقستان قۇراماسى ءۇشىن ءساتسىز اياقتالدى، دەپ حابارلايدى قازاقپارات ءتىلشىسى.

سوڭعى كۇنى قازاقستاندىقتار پولشا قۇراماسىن ويسىراتا جەڭگەنىمەن، ولاردىڭ تاعدىرى قارسىلاستارىنىڭ ويىنىنا بايلانىستى ەدى.

الدىمەن يتاليا قۇراماسى سلوۆەنيامەن كەزدەسۋدە ماتچ اياقتالۋعا نەبارى 2 سەكۋند قالعاندا جەڭىس گولىن سوعىپ، 4:3 ەسەبىمەن ۇتىپ كەتتى. بۇل باسەكە تەڭ اياقتالسا، قازاقستان ەليتالىق ديۆيزيونعا شىعىپ تۇر ەدى. سول سياقتى سوڭعى ماتچ تا قازاقستاندىقتاردىڭ پايداسىنا شەشىلمەدى. ۆەنگريا نەگىزگى ۋاقىتتا ۇلى بريتانيانى جەڭسە، جەتكىلىكتى ەدى. الايدا تاعى دا ويىن بىتۋگە ساناۋلى سەكۋندتار قالعاندا ۇلى بريتانيالىقتار ەسەپتى تەڭەستىردى. بۇل كەزدەسۋدە بۋلليت سەرياسىندا ۇلى بريتانيا قۇراماسى جەڭىسكە جەتتى.

وسىلايشا بىرىنشىلىك قورىتىندىسىندا العاشقى ەكى ورىنعا يە بولعان ۇلى بريتانيا مەن يتاليا قۇرامالارى ەليتالىق ديۆيزونعا جولداما الدى.