09:09, 29 - ءساۋىر 2018 | GMT +5
دانيار ەلەۋسىنوۆ امەريكالىق بوكسشىنى نوكاۋتقا ءتۇسىردى
استانا. قازاقپارات - قازاقستاندىق بوكسشى دانيار ەلەۋسىنوۆ كاسىبي بوكستاعى العاشقى جەڭىسىنە قول جەتكىزدى، دەپ حابارلايدى Sports.kz.
دانيار ەلەۋسىنوۆتىڭ امەريكالىق بوكسشى نوا كيددقا قارسى جەكپە-جەگى دەنيەل دجەيكوبس پەن ماتسەي سۋلەتسكي اراسىنداعى ايقاستىڭ اندەركارتىندا نيۋ-يوركتەگى Barclays Center ارەناسىندا ءوتتى.
التى راۋندقا ەسەپتەلگەن جەكپە-جەكتىڭ ءۇشىنشى كەزەڭىندە قازاقستاندىق بوكسشى تەحنيكالىق نوكاۋتپەن جەڭىسكە جەتتى. ءسويتىپ دانيار ءوزىنىڭ كاسىبي بوكستاعى ءبىرىنشى جەڭىسىن تويلادى.
ەسكە سالا كەتەيىك، بوكستان وليمپيادا چەمپيونى دانيار ەلەۋسىنوۆ ا ق ش- تا كاسىبي رينگتە وتەتىن ءوزىنىڭ دەبيۋتتىك كەزدەسۋى الدىندا سۇحبات بەرىپ، جوسپارلارىمەن بولىسكەن بولاتىن.
