ق ح ا سەسسياسى: «قازاق تانۋ» جاڭا جوباسىن جۇزەگە اسىرۋ ۇسىنىلدى

استانا. قازاقپارات - قازاقستان حالقى اسسامبلەياسى «قازاق تانۋ» جاڭا جوباسىن جۇزەگە اسىرۋدى ۇسىندى، دەپ حابارلايدى قازاقپارات.

«رۋحاني جاڭعىرۋ» باعدارلاماسى قازاق حالقىنىڭ رۋحاني اسەمدىگى مەن ىشكى جان دۇنيەسى تەرەڭدىگىنىڭ بارشا كەڭىستىگىن كورسەتتى. داۋىرلەر ءتىرىلىپ، ەسكەرتكىشتەر سويلەدى. قازاق حالقىنىڭ دانالىعى ءبىرىڭعاي حالىقتى بايلانىستىرۋشى نەگىز بولىپ وتىر. اسسامبلەيا «قازاق تانۋ» جاڭا جوباسىن ۇسىنىپ وتىر، بۇل ءوز كەزەگىندە بارشا قازاقستاندىقتارعا قازاق مادەنيەتىنىڭ، تاريحىنىڭ، فيلوسوفياسىنىڭ بىرىكتىرۋشى كۇشى، قازاق حالقىنىڭ قۇندىلىقتارى جونىندە تۇسىنىك بەرۋ ءۇشىن جاسالۋدا. وسى ورايدا ءبىزدىڭ فيلوسوفتار، جازۋشىلار، ويشىلدار بۇل جايىندا ءاربىر دوستىق ۇيىندە، مادەنيەت ۇيىندە ايتىپ جۇرگەنى دۇرىس»، - دەدى اسسامبلەيا مۇشەسى، شىمكەنت وقۋشىلار سارايىنىڭ ديرەكتورى ناتاليا رومانوۆا ق ح ا XXVI سەسسياسىندا.

سونىمەن قاتار ول پرەزيدەنتتىڭ بەس الەۋمەتتىك باستاماسىنىڭ ماڭىزدىلىعىنا توقتالدى.

«نۇرسۇلتان ءابىش ۇلى، مەن ءۇشىن جانە وڭتۇستىك قازاقستان وبلىسىنداعى 80 مىڭ پەداگوگ ءۇشىن ءسىزدىڭ الەۋمەتتىك باستامالارىڭىز ۇلكەن قۋانىش سىيلادى. سەبەبى سوڭعى 18 جىلدا شىمكەنت تۇرعىندارى ەكى ەسەگە ارتتى. كوپتەگەن تۇرعىندار ءۇشىن جەكە باسپاناسىنا قول جەتكىزۋ ارمانعا اينالعان ەدى. ال «7-20-25» باعدارلاماسىنىڭ ارقاسىندا ءسىز بۇل ارماننىڭ جۇزەگە ىسكە اسۋىنا جول اشتىڭىز. نۇرسۇلتان ءابىش ۇلى، كوپتەگەن وتباسىلار ءۇشىن وتباسىلىق باقىتتىڭ جاڭا فورمۋلاسىن جازىپ بەردىڭىز. 7 سانى - ول وتباسى؛ 20 - بۇل جاڭا باسپانا الاتىن جاس؛ 25  جەكە باسپانادا جاڭا ۇرپاقتى تاربيەلەۋ مەرزىمى»، - دەدى ناتاليا رومانوۆا.

اۆتور: رۋسلان عابباسوۆ