بالانى ومىراۋدان شىعارماۋدىڭ ايەلگە پايداسى
وسىنى بىلگەندىكتەن، ايەلدەردىڭ كوپشىلىگى مۇمكىندىگىنشە ۇزاق ۋاقىت ەمىزۋگە تىرىسادى. الايدا بۇل پروتسەسس انانىڭ دەنساۋلىعىنا دا پايدالى. ەندەشە، بالانى ومىراۋدان شىعارماۋدىڭ 10 پايداسىن ۇسىنامىز. كەي ايەلدەر (اسىرەسە، شەتەلدىكتەر) دەنە ءپىشىنىن بۇزىپ الاتىنىن ويلاپ، بالا ەمىزۋدەن باس تارتىپ جاتادى. ءبىراق ولار تابيعاتتا بارلىعى ءوز جونىمەن ەكەنىن ۇمىتاتىن سەكىلدى، سەبەبى ءسۇت شىعۋ - ايەلگە بەرىلگەن ۇلكەن سىي، ونىڭ ايەل دەنساۋلىعىنا بەرەر پايداسى كوپ. ءسۇت شىعۋ فيزيولوگياسى ءسۇت شىعۋ پروتسەسىنە اعزانىڭ كوپتەگەن جۇيەلەرى قوسىلعان: ەندوكريندى، ۆەگەتاتيۆتىك، رەپرودۋكتيۆتى. بۇل مىندەتكە بارلىق اعزا يكەمدەلەدى، بۇل ۋاقىت ارالىعىندا زات الماسۋ، جۇكە جۇيەسىنىڭ قىزمەت ەتۋى، ءتىپتى، اس قورىتۋ دا وزگەرەدى. ءسۇت شىعۋ كەزىندە اعزا پرولاكتين مەن وكسيتوتسيننىڭ اسا مول مولشەرىن، سونىمەن قاتار اس قورىتۋ فەرمەنتتەرىن وڭدەپ شىعارادى. ال ونىڭ بارلىعى ايەل دەنساۋلىعىنا تۇبەگەيلى اسەر ەتەدى. ەمىزۋدى جالعاستىرۋدىڭ 10 سەبەبى ەمىزۋ ايەلگە بوسانعاننان كەيىن جىلدام قالپىنا كەلۋىنە كومەكتەسەدى. ءسۇت شىعۋ ۋاقىتىندا جاس انا جۇكتىلىك كەزىندە جوعالتقان قورىن قايتادان قالپىنا كەلتىرە الادى. ەمىزۋ ايەلدىڭ بارلىق اعزاسىنا اسەر ەتەدى، اسىرەسە، مىنا سەبەپتەرگە پايدالى بولادى:
1. ءسۇت شىعۋ 2- ءتيپتى ديابەتپەن اۋىرۋ قاۋپىن تومەندەتەدى. ينسۋلين گورموندارى ومىراۋ ءسۇتىنىڭ وندىرۋىنە بەلسەندى قاتىسادى، سوندىقتان زات الماسۋ اعزالارىنىڭ جۇمىسىن رەتتەيدى. ءسۇت شىعۋ كەزىندە گورموندى فون ايتارلىقتاي وزگەرەتىندىكتەن، ەندوكريندى جۇيە جاڭا رەجيمگە قايتا قۇرىلادى. مۇنداي قورلار جۇمىلدىرۋى 2- ءتيپتى ديابەتپەن اۋىرۋ قاۋپىنىڭ تومەندەۋىنە ىقپال جاسايدى.
2. ەمىزۋ قانتامىرلارعا پايدالى. ءسۇت شىعۋ - قانتامىرلارعا ارنالعان كەرەمەت جاتتىعۋ. بۇل ۋاقىتتا قانتامىرلار جۇيەسىنىڭ تازارۋى جانە حولەستەريننىڭ تومەندەۋى بولادى. ەمىزۋدىڭ بارلىق ۋاقىتىندا جانە ودان كەيىن دە ءبىراز ۋاقىت بويى قانتامىرلار كەرەمەت جاعدايدا بولادى. سول ءۇشىن ينسۋلت پەن ينفاركت قاۋپى تومەندەيدى.
3. ەمىزۋ ارتەريالىق قىسىمدى تومەندەتەدى. ەمىزۋ قانتامىرلارعا پايدالى بولعاندىقتان، ولاردىڭ تازارۋى اعزا بويىنشا قان اينالىمىن جاقسارتادى جانە قىسىمنىڭ قالىپقا كەلۋىنە كومەكتەسەدى. ەمىزۋ كەزىندە قان اينالىم جۇيەسى ءمىنسىز تەپە- تەڭدىككە كەلىپ، جوعارى قىسىم ماسەلەسى جوعالادى.
4. ءسۇت شىعۋ دەپرەسسيادان ارىلۋعا كومەكتەسەدى. ەمىزۋ كەزىندە ايەلدىڭ جۇيكە جۇيەسى تىنىشتىق پەن بەيبىت كۇيگە كەلەدى. ەمىزۋ كەزىندە ايەل قانىنا گورموندار، سونىڭ ىشىندە ەندورفين كەلەدى. ول قاناعاتتانۋ مەن باقىت سەزىمىن سىيلايدى. سوندىقتان، بالا ەمىزۋ بوسانعاننان كەيىنگى دەپرەسسيادان جىلدام قۇتىلۋعا كومەكتەسەدى.
5. ەمىزۋ - ەمشەكتىڭ سوزىلمالى اۋرۋىنىڭ (ماستوپاتيا) الدىن الاتىن كەرەمەت قۇرال. ەمىزۋ ماستوپاتيانىڭ الدىن الاتىن گورموندار وندىرۋىنە ىقپال ەتەدى جانە ءسۇت بەزدەرىندەگى قان اينالىمدى كۇشەيتەدى. ەگەر جۇكتىلىككە دەيىن ماستوپاتيا دەگەن دياگنوز قويىلسا، بوسانعان سوڭ ەمىزۋ ارقىلى ودان قۇتىلۋ مۇمكىندىگىڭىز بار.
6. ءسۇت شىعۋ تەمىر تاپشىلىعىن انەميادان قورعايدى. بالاعا كوپ تەمىر كەرەك بولعاندىقتان، ەمىزۋ كەزىندە قان ازىق- تۇلىكتەن كوبىرەك تەمىر الاتىنداي ەتىپ جاسالىنىپ قويعان. سوندىقتان، ەمىزەتىن ايەل انەميامەن اۋىرمايدى.
7. ەمىزۋ سۇيەكتەردى بەكىتەدى. ماماندار ەمىزۋ كەزىندە ايەل اعزاسى كالتسيدى جاقسىراق سىڭىرەتىنىن دالەلدەگەن. بۇل ەففەكت ەمىزۋدەن سوڭ 1,5 جىلعا دەيىن ساقتالادى ەكەن. سوندىقتان، ەمىزۋ كەزىندە كالتسيگە باي تاعامداردى جەسەڭىز، اعزا ونى بىردەن ءسىڭىرىپ الادى.
8. ەمىزۋ جاتىر، انالىق بەز جانە ءسۇت بەزدەرى راگى قاۋپىن تومەندەتەدى.
9. ەمىزۋ كەي ايەلدەردىڭ سالماق تاستاۋىنا كومەكتەسەدى. ەمىزۋ كەزىندە اعزا تاماقتى ءتيىمدى قورىتادى جانە قوردى كەيىنگە قالدىرمايدى. سوندىقتان، جۇكتىلىك كەزىندە پايدا بولعان ارتىق سالماقتان ارىلۋعا جانە باسقا سالماق قوسپاۋعا كومەكتەسەدى. كەيبىر ايەلدەر بالا بوسانعان سوڭ، شاشتىڭ كوپ تۇسەتىنىن نەمەسە ءتىستىڭ قۇرتىلعانىن ايتىپ جاتادى. ول جۇكتىلىك كەزىندە اعزاعا قانداي دا ءبىر ەلەمەنتتىڭ جەتىسپەۋشىلىگىنەن نەمەسە جۇكتىلىككە دەيىن ءتىسىن ەمدەتپەگەن جاعدايدا بولۋى مۇمكىن. بوسانعان سوڭ، از دەگەندە 9 اي ۋاقىت شاماسىندا بالا ەمىزگەن ايەلدىڭ اعزاسى قايتادان بارلىق رەسۋرستى قالپىنا كەلتىرەدى.
باستىسى، اعزاعا كومەك رەتىندە پايدالى ءارى دۇرىس تاعامدار جەپ، دەنساۋلىعىڭىزدى كۇتۋدى ۇمىتپاۋ قاجەت. ەمىزۋ كەزىندە تۇماۋمەن از اۋىراتىندىعىڭىزدى (نەمەسە تىپتەن اۋىرمايتىندىعىڭىزدى) جانە اس قورىتۋ جۇيەسىندە ەشقانداي ماسەلە بولمايتىندىعىن بايقايسىز.
Massaget.kz
