11:57, 28 - ءساۋىر 2018 | GMT +5
دانيار ەلەۋسىنوۆ: جەكپە-جەككە دايىنمىن
استانا. قازاقپارات - ريو-دە-جانەيرو وليمپياداسىنىڭ چەمپيونى دانيار ەلەۋسىنوۆ كاسىپقوي بوكستاعى العاشقى جەكپە-جەگى الدىندا سالماق ولشەۋ راسىمىنەن ءساتتى ءوتتى، دەپ حابارلايدى قازاقپارات.
سالماق ولشەۋ راسىمىندە وتانداسىمىزدىڭ تارازىداعى تازا سالماعى 156 فۋنتتى (70كەلى) كورسەتتى.
«ەرتەڭگى جەكپە-جەككە دايىنمىن»، - دەپ جازدى ەلەۋسىنوۆ ءوزىنىڭ Instagram پاراقشاسىندا.
ايتا كەتەيىك، دانيار ەلەۋسىنوۆتىڭ قارسىلاسى - امەريكالىق نوا كيدد. ولاردىڭ جەكپە-جەگى دەنيەل دجەيكوبس پەن ماتسەي سۋلەتسكي اراسىنداعى ايقاستىڭ اندەركارتىندا وتەدى.
بوكس كەشى Barclays ارەناسىندا بولادى.
