رەسەيدە قازاقستان حالقى اسسامبلەياسىنىڭ تاجىريبەسى قولدانىلادى
بۇگىندە قوس تاراپ اراسىندا تىعىز ارىپتەستىك پەن ءتيىمدى قارىم-قاتىناس ورناعان. ايتا كەتەيىك، 28- ءساۋىر كۇنى پرەزيدەنت نۇرسۇلتان نازاربايەۆتىڭ توراعالىمەن قازاقستان حالقى اسسامبلەياسىنىڭ 26-سەسسياسى وتەدى.
رەسەي حالىقتارى اسسامبلەياسى 1998-جىلى، ياعني قازاقستان حالقى اسسامبلەياسى قۇرىلعاننان سوڭ التى جىلدان كەيىن پايدا بولدى. وسىلايشا، رەسەيلىكتەر مەملەكەتتىڭ جانە ۇلتتىق-مادەني بىرلەستىكتەردىڭ قۇرىلۋىنداعى بىرەگەي قازاقستاندىق تاجىريبەنى ۇلگى ەتتى.
«قازاقستان حالقى اسسامبلەياسى ءبىزدىڭ ۇلكەن اعامىز ىسپەتتەس. سەبەبى سولاردىڭ تاجىريبەسىن زەرتتەپ، ۇلگى ەتىپ ءجۇرمىز. ولاردىڭ كوپتەگەن جوبالارى ءبىز ءۇشىن دە، ەلىمىز ءۇشىن دە پايدالى. قازاقستان حالقى اسسامبلەياسىنىڭ ارقاسىندا ەلدە تۇرىپ جاتقان ءار ءتۇرلى ۇلت وكىلدەرى ءبىر انانىڭ بالاسىنداي بىرلىكتە ءومىر سۇرەدى»، - دەيدى، رەسەي حالىقتارى اسسامبلەياسى كەڭەسىنىڭ ءتورايىمى سۆەتلانا سميرنوۆا.
سونداي-اق رەسەيلىك ارىپتەستەر قازاق حالقى اسسامبلەياسىنىڭ بەدەلىنە ەرەكشە باعا بەرىپ وتىر. بىرەگەي ينستيتۋتقا ەلباسىنىڭ ءوزى جەتەكشىلىك ەتەتىندىكتەن قازاقستاندا ۇلتتىق ساياسات ماسەلەلەرىنە ءجىتى كوڭىل بولىنەدى.
ر ف پرەزيدەنتى جانىنداعى ەتنوسارالىق قاتىناستار جونىندەگى كەڭەستىڭ مۇشەسى ۆلاديمير زوريننىڭ ايتۋىنشا، ەلدە بەيبىتشىلىك، دوستىق، ىنتىماقتاستىق قارىم- قاتىناسى ورناعان. بۇنىڭ بارلىعى قازاقستاننىڭ سالت-داستۇرىنە تىكەلەي بايلانىستى. جانە ەلدەگى ساياسات پەن تاجىريبە دە سونىڭ دالەلى.
«ءبىز ءۇشىن قازاقستانداعى ارىپتەستەرىمىزبەن بىرگە جۇمىس ىستەۋ ۇلكەن ابىروي. سەبەبى سىزدەر ءبىرىنشى بولىپ قازاقستان حالقى اسسامبلەياسىن قۇرىپ، بىزگە ۇلگى بولدىڭىزدار. ەكىجاقتى سەرىكتەستىگىمىز ارتا بەرسىن دەگىم كەلەدى»، - دەيدى رەسەي حالىقتارى اسسامبلەياسى اتقارۋ كوميتەتىنىڭ ءتوراعاسى نازيرجون ابدۋگانيەۆ.
اسسامبلەيادان بولەك رەسەيدە ۇلتتىق ساياساتپەن مەملەكەتتىك دۋمانىڭ ۇلتتار كوميتەتى جانە ۇلتتار فەدەرالدىق اگەنتتىگى اينالىسادى. بارلىق ءۇش دەپارتامەنت تە قازاقستان حالقى اسسامبلەياسىمەن ىنتىماقتاستىق تۋرالى مەموراندۋمدارعا قول قويعان.
