استاناداعى ۇزدىك مەكتەپتەرگە قۇجاتتار قابىلداۋ باستالدى

استانا. قازاقپارات - استانا قالالىق ءبىلىم باسقارماسى ەلورداداعى ۇزدىك مەكتەپتەرگە ءتۇسۋ ءۇشىن قۇجاتتار قابىلداۋ باستالعانىن جاريالادى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

«استانا قالالىق № 9 «زەردە»، № 81 «Astana English School»، № 82 «دارىن» مامانداندىرىلعان مەكتەپتەرىنە قۇجات قابىلداۋ باستالدى. قۇجاتتاردى قابىلداۋ 24 - ءساۋىر مەن 10 - مامىر اراسىندا جۇرگىزىلەدى. كونكۋرستىق ىرىكتەۋ 11-18 - مامىر كۇندەرى وتەتىن بولادى»، - دەلىنگەن حابارلامادا.

دارىندى بالالارعا ارنالعان № 9 «زەردە» مەكتەبىنە تاپسىرىلاتىن بىلىكتىلىك ەمتيحاندارى ەكى كەزەڭنەن تۇرادى. 1-كەزەڭ - لوگيكا جانە ماتەماتيكا بويىنشا تەستىلەۋ، 2-كەزەڭ - فۋنكتسيونالدىق وقۋ داعدىلارى (قازاق، ورىس جانە اعىلشىن تىلدەرى). تەستىلەۋ ۇسىنىلعان ماتىنگە سايكەس جۇرگىزىلەدى.

№81 «Astana English School» مامانداندىرىلعان گيمنازياسىنا وقۋعا ءتۇسۋ ءۇشىن جاراتىلىستانۋ- ماتەماتيكا نەمەسە الەۋمەتتىك- گۋمانيتارلىق باعىتتار بويىنشا ەمتيحان تاپسىرۋ كەرەك. 2-11-سىنىپ وقۋشىلارى «قازاق ءتىلى»، «اعىلشىن ءتىلى»، «ماتەماتيكا» پاندەرى بويىنشا سىننان وتەدى. 1-سىنىپ وقۋشىلارى «اعىلشىن ءتىلى» پانىنەن سىن تاپسىرىپ، اڭگىمەلەسۋ كەزەڭى مەن پسيحولوگيالىق تەستتەن ءساتتى ءوتۋى ءتيىس.

 № 82 «دارىن» مامانداندىرىلعان ليتسەيىندە 5-سىنىپ وقۋشىلارى ءۇشىن «ماتەماتيكا» جانە «دۇنيە تانۋ» (4-سىنىپ بويىنشا) پاندەرىنەن ىرىكتەۋ ەمتيحاندارى وتەدى.