قاراعاندىدا «اقىلدى قالا» بايقاۋى جاريالاندى
قازىلار القاسى قالا قۇرىلىسى، قوعامدىق قاۋىپسىزدىك، دەنساۋلىق ساقتاۋ جانە ءبىلىم بەرۋ سالالارىنداعى ۇزدىك جوبالاردى تاڭدايدى، دەپ حابارلايدى Baq.kz اقپارات اگەنتتىگى.
بايقاۋدىڭ جاريالانعانى تۋرالى قاراعاندى وبلىسى اكىمدىگىنىڭ باسپا ءسوز قىزمەتى ءمالىم ەتتى.
بايقاۋدىڭ ۇيىمداستىرۋشىسى - «سارىارقا ا ك ك» اق.
بايقاۋ جۇمىستارى ءۇش ساناتقا بولىنەدى: «مەكتەپ وقۋشىلارى جانە ج و و مەن كوللەدجدەردىڭ 1-2 - كۋرس ستۋدەنتتەرى اراسىنداعى ۇزدىك گۋمانيتارلىق- تەحنيكالىق يننوۆاتسيالىق جوبا» ، «مەكتەپ وقۋشىلارى مەن كوللەدجدەردىڭ 1-2 - كۋرس ستۋدەنتتەرى اراسىنداعى ۇزدىك تەحنيكالىق يننوۆاتسيالىق جوبا» جانە «جوو مەن كوللەدجدەردىڭ 3-4 كۋرس ستۋدەنتتەرى مەن 29 جاسقا دەيىنگى جاس عالىمدار اراسىنداعى ۇزدىك يننوۆاتسيالىق جوبا» .
ءبىرىنشى سانات بويىنشا ءوز جۇمىستارىن ۇسىناتىن قاتىسۋشىلاردان قازىلار القاسى الەۋمەتتىك ماڭىزعا يە جانە قالا تۇرعىندارىنىڭ ءومىرىن جاقسارتۋعا باعىتتالعان باتىل ءارى ەرەكشە جوبالاردى كۇتەدى. ولاردى تەحنيكالىق تۇرعىدا راستاۋدىڭ، قۇنىن ەسەپتەپ، جۇزەگە اسىرۋ جولدارىن ىزدەۋدىڭ قاجەتى جوق.
ەكىنشى ساناتتا قاتىسۋشىلارعا جوبانىڭ تەحنيكالىق جاعىن نەگىزدەۋ كەرەك. ونى جۇزەگە اسىرۋ قازىر نەمەسە جاقىن بولاشاقتا مۇمكىن دەپ بولجالادى.
ءۇشىنشى سانات - ەڭ كۇردەلى. وندا تولىعىمەن دايىن جانە تۇبەگەيلى ويلاستىرىلعان، قۇنى، قۋاتتىلىعى جانە پوتەنتسيالدى قاۋىپتەرى ەسەپتەلگەن جوبالار قاراستىرىلادى.
ءار سانات بويىنشا جەڭىمپازدار 500 مىڭ تەڭگە كولەمىندە سىياقى الادى.
ەكىنشى ورىن العان بايقاۋعا قاتىسۋشىلار 300 مىڭ تەڭگەدەن، ال ءۇشىنشى ورىن يەلەنگەندەر 200 مىڭ تەڭگە كولەمىندە سىيلىققا يە بولادى.
قاتىسۋعا وتىنىمدەر مامىردىڭ 4-نە دەيىن قابىلدانباق. ولاردى قاعاز كۇيىندە قاراعاندى قالاسى، ءاليحانوۆ كوشەسى، 4, 102- كابينەت مەكەنجايى بويىنشا جىبەرۋگە بولادى.
وتىنىممەن قوسا جوبانىڭ اقپاراتتىق كارتاسىن، جوبانىڭ سيپاتتاماسىن، جاريالانىم تۋرالى كەلىسىم، ماكەتتەر مەن ستەندتەر، تانىستىرۋ ماتەريالدارى ۇسىنىلۋى قاجەت. قۇجاتتار مەن ماتەريالدار قازاق جانە ورىس تىلدەرىندە بولۋى مۇمكىن.
قورىتىندىنى جاريالاۋ 1- ماۋسىمعا جوسپارلانعان.
