ەلوردادا قازاق كۇرەسىنەن «استانا قىرانى» انىقتالادى

استانا. قازاقپارات - ەرتەڭ، ياعني 28- ءساۋىر كۇنى ەلوردا تورىندەگى «داۋلەت» سپورت كەشەنىندە قازاق كۇرەسىنەن «استانا قىرانى» جارىسى وتەدى، دەپ حابارلايدى قازاقپارات ءتىلشىسى.

استانا قالالىق سپورت باسقارماسى تاراتقان مالىمەتتەرگە سۇيەنسەك، بۇگىن قاتىسۋشى بالۋانداردى تىركەپ، سالماق ولشەۋ ءراسىمى وتسە، ەرتەڭ بەلدەسۋلەر باستالادى.

اتالعان دودادا فينالدا بەلدەسكەن قوس بالۋان جىل سايىن ءداستۇرلى تۇردە ۇيىمداستىرىلىپ كەلە جاتقان قازاقستان رەسپۋبليكاسى پرەزيدەنتى ن. نازاربايەۆتىڭ جۇلدەسى ءۇشىن وتەتىن «قازاقستان بارىسى» رەسپۋبليكالىق تۋرنيرىنىڭ فينالىنا قاتىسۋعا مۇمكىندىك الادى.

جارىستىڭ اشىلۋ سالتاناتى ەرتەڭ ساعات 15:00 گە جوسپارلانعان. تۇيە پالۋاندار سايىسى ساعات 15:00 دەن 19:00 گە دەيىن جالعاسادى. تۇيە بالۋاندار سايىسىنا 25 كە جۋىق سپورتشى قاتىسادى.

اۆتور: كۇنسۇلتان وتارباي