12:02, 27 - ءساۋىر 2018 | GMT +5
اقتاۋ تۇرعىندارى ەرەكشە تابيعات قۇبىلىسىنا كۋا بولدى
استانا. قازاقپارات - اقتاۋ تۇرعىندارى كۇن اينالاسىندا پايدا بولعان ساقينا ءپىشىندى جارىققا كۋا بولدى، دەپ حابارلايدى Baq.kz اقپارات اگەنتتىگى lada.kz سايتىنا سىلتەمە جاساپ.
بۇل تابيعات قۇبىلىسى 26- ساۋىردە بولعان. الەۋمەتتىك جەلى قولدانۋشىلارى فوتوسۋرەتتەرمەن ءبولىستى.
گالو كۇن مەن ايدىڭ، كەيدە كوشە شامدارىنىڭ اينالاسىندا پايدا بولادى. بۇل قۇبىلىس مۇز كريستالدارىنىڭ اسەرىنەن اتموسفەرادا جارىق ساۋلەنىڭ كورىنۋىنەن بولادى.
مۇنداي ەرەكشە قۇبىلىستى بۇعان دەيىن الماتى تۇرعىندارى دا كورگەن. الماتى تۇرعىندارى وپتيكالىق ەرەكشە قۇبىلىسقا 5- ناۋرىز كۇنى كۋا بولعان.
