ون جىل بۇرىن: قايرات پەن جۇلدىزدىڭ ۇيلەنۋ تويىنىڭ سۋرەتتەرى جاريا بولدى
جۇلدىز ابدىكارىموۆا توي كەزىندە بولعان قىزىقتارى تۋرالى Instagram-داعى پاراقشاسىندا جازدى.
«مەن ءۇشىن ۇيلەنۋ تويىمىز ءبىر قويىلىم سەكىلدى ءوتتى دە كەتتى. سەبەبى، نەكەمىزدى قياتىن ا ح ا ج ءبولىمىنىڭ قىزمەتكەرى تويىمىزعا كەلمەي قالدى. ول جاعدايدى ەستىگەن ع. مۇسىرەپوۆ اتىنداعى ت ي ۋ ز- ءدىڭ ارتىستەرى، ءارى سول كەزدەگى مەنىڭ ارىپتەستەرىم اياق استى وزدەرى نەكە قيۋ ءراسىمىن ۇيىمداستىرىپ جىبەردى. ا ح ا ج قىزمەتكەرى رولىندە جىبەك بەكتەمىروۆا اپامىز ءبىزدىڭ نەكەمىزدى سالتاناتتى تۇردە قيىپ، ءراسىمدى جاقسىلاپ تۇرىپ وتكىزىپ بەردى. ليديا كادەنوۆا اپامىزدىڭ ءانى مەن ءبيىنىڭ ءوزى ءبىر قويىلىم. ايدوس بەكتەمىروۆ اعام مەن ايگۇل يمانبايەۆا اپكەمىز «قىز جىبەك» سپەكتاكلىنەن اريا ورىنداپ ەستەن كەتپەس قۋانىش سىيلاعان. كاسىبيلىكتىڭ شىڭى دەگەن سول شىعار.
سونىمەن نە كەرەك ءبي دە، تىلەك تە، ويىن دا، ءان دە، سىيلىق تا، ءتىپتى «ەشكىمگە كورسەتپەيمىن» انىنە بەينەباياندى دا ءتۇسىرىپ تاستادىق. ال، ول بەينەباياندى، ەندى 10 جىلدان كەيىن كورسەتەمىز. P. S.
ايتپاقشى، تاعى ءبىر قىزىق بولعان. توي بىتكەن سوڭ ارى قاراي دوستارىمىزبەن قىدىراتىن بولىپ شەشتىك. توي قوناقتارىمەن قوشتاسىپ، ءبارىن شىعارىپ سالىپ، اتا-انا، باۋىرلار ۇيگە قايتتى، جيىرماعا جۋىق دوستار 2 كولىككە سىيىسىپ ولار كەتتى. ءبىر قاراساق قايرات ەكەۋمىز عانا قالىپپىز. تۇنگى 2-3 تەر شاماسى. كولىك جوق. سودان جاڭا ۇيلەنگەن جاس جۇباي قول ۇستاسىپ الىپ، ءاپپاق فاتانى جەلبىرەتىپ جولدان ءوتىپ، تاكسي توقتاتىپ دوستارىمىزعا قاراي كەتكەنبىز»، - دەدى ول.
