كيم چەن ىن وڭتۇستىك كورەيا شەكاراسىنان ءوتتى
1953-جىلى كورەي سوعىسى اياقتالعاننان بەرى سولتۇستىك كورەيانىڭ ءبىر دە ءبىر باسشىسى وڭتۇستىك كورەيا شەكاراسىنا قاراي وتپەگەن.
شەكارا سىزىعىنان وتكەن كيم چەن ىن وڭتۇستىك كورەيا پرەزيدەنتى مۋن چجە ينمەن قول الىسىپ، ونىمەن «دوستىق پەيىلدە» اڭگىمە بولاتىنىنان ءۇمىتتى ەكەنىن ايتتى. سالدەن سوڭ كيم چەن ىن مۋن چجە يندى قولىنان ۇستاپ، شەكارا سىزىعىنىڭ سولتۇستىك كورەيا جاعىنا الىپ ءوتتى دە، از-كەم تۇرعان سوڭ كەرى قايتتى.
بۇدان سوڭ كەزدەسۋدىڭ العاشقى رەسمي بولىگى اياقتالىپ، ەكى ەل باسشىلارى بولەك تۇستەنۋگە كەتتى. تۇستەن كەيىن كيم چەن ين قايتادان وڭتۇستىك كورەياعا ءوتىپ، مۋن چجە ينمەن كەلىسسوز جۇرگىزەدى.
بىرنەشە اي بۇرىن عانا سولتۇستىك كورەيا بىرنەشە رەت يادرولىق جانە زىمىران سىناعىن جاساپ، يادرولىق قارۋ جاساۋ نيەتىن ايقىن اڭعارتقان ەدى. ءبىراق بۇگىنگى سامميتتە ەكى ەل باسشىسى بەيبىتشىلىك پەن يادرولىق قارۋ ماسەلەسىن تالقىلايدى دەپ جوسپارلانعان.
سامميتتە تالقىلاناتىن ماسەلەلەر الدىن الا كەلىسىلگەن. ءبىراق ساراپشىلاردىڭ كوبى پحەنياننىڭ يادرولىق سىناق جاساۋدى توقتاتۋ تۋرالى مالىمدەمەسىنە كۇمانمەن قارايدى.
«ازاتتىق»
ۆيدەو cnn.com
