10:10, 27 - ءساۋىر 2018 | GMT +5
الەم بويىنشا ءسوز بوستاندىعىن شەكتەۋ رەكوردتىق دەڭگەيگە جەتكەن
استانا. قازاقپارات - الەم بويىنشا بۇقارالىق اقپارات قۇرالدارىنىڭ بوستاندىعىن شەكتەۋ رەكوردتىق دەڭگەيگە جەتكەن.
بۇل جايىندا «شەكارانى بىلمەيتىن رەپورتەر» حالىقارالىق ۇيىمى ساراپشىلارى ءمالىم ەتتى. اتالعان ۇيىم ساراپشىلارى ءسوز بوستاندىعىنا قاتىستى مەملەكەتتەر ءتىزىمىن تۇزگەن ەكەن. بۇل جولى «قارا تىزىمگە» 21 ەل ەنگەن. بۇل كورسەتكىش - رەكوردتىق دەڭگەي. ويتكەنى، بۇرىن-سوڭدى ءسوز بوستاندىعىنا شەكتەۋ قويعان ەلدەردىڭ قاتارى مۇنداي كورسەتكىشكە جەتكەن ەمەس.
اتالمىش ءتىزىمنىڭ باسىندا كورەي حالىق دەموكراتيالىق رەسپۋبليكاسى تۇر.
ودان كەيىنگى ورىنعا تۇركىمەنستان مەن ەريتەريا جايعاسقان. سونداي-اق، يران، يراك، قىتاي، ءازىربايجان، وزبەكستان دا العاشقى وندىققا كىرگەن. ال ءسوز بوستاندىعى الدىڭعى قاتاردان كورىنگەن ەلدەر: نورۆەگيا، شۆەتسيا، نيدەرلاندى جانە فينليانديا.
