گولوۆكيننىڭ باپكەرى ءوزى جاتتىقتىرعان بوكسشى ەسىرتكى مەن ىشىمدىككە اۋەستىگىن مويىندادى
وسىعان دەيىن WBC ۇيىمىنىڭ باسشىسى ماۋريسيو سۋلەيمان كۋادراستى تىيىم سالىنعان زاتتاردى قولدانعانى ءۇشىن ءبىراز ۋاقىتقا شەتتەتكەن ەدى. پۋەرتوريكالىق ماكيۋليامس اررويومەن (17-3، 14 ك و) وتكەن جەكپە-جەكتىڭ الدىندا جانە وتكەننەن كەيىن دوپينگ سىناماسىنا قان تاپسىرعان مەكسيكالىق بوكسشىنىڭ ەشقانداي تىيىم سالىنعان پرەپارات تابىلمادى.
الەمنىڭ بۇرىنعى چەمپيونى ەسىرتكىمەن اۋەس بولعانى ايتىلدى. «كۋادراس تىيىم سالىنعان پرەپاراتتاردى پايدالانعانى ءۇشىن شەتتەتىلدى، تەكسەرۋ جۇرگىزىلىپ جاتىر»، - دەدى ماۋريسيو سۋلەيمان FightNews مالىمەتىنشە، كۋادراستىڭ ءىسى بويىنشا 25 -ساۋىردە تىڭدالىم وتەدى. ونىڭ ىسىمەن «تازا بوكس» (WBC ۇيىمى مەن VADA جوباسى) كوميتەتى اينالىسادى. كۋادراس قارسىلىق تانىتپاي، ەمدەلۋگە كەلىستى. WBC پرەزيدەنتى بارلىق تۇرعىدان كومەكتەسەتىنىن ۋادە ەتتى.
«ومىرىمدەگى ەڭ ماڭىزدى جەكپە-جەك تۇر. جەڭىسكە جەتەمىن دەپ ويلايمىن. مەنىڭ ارتىمدا ايەلىم مەن ۇلىم بار. مەكسيكانىڭ نامىسىن الەمدىك ارەنادا قورعاپ جۇرگەنىمدى سەزەمىن. قۇدايدىڭ كومەگىمەن وسى اۋەستىگىمنەن قۇتىلعىم كەلەدى. ەشۋاقىتتا دوپينگ قولدانعان ەمەسپىن. مەن سپورتتى قۇرمەتتەيمىن. ءبىراق مەنىڭ جەكە ءومىرىم، مەنىڭ قاتەلىكتەرىم، جەكپە-جەك الدىندا نە ىستەگەنىم، مەنىڭ مانسابىما اسەر ەتتى. مەنى قولداپ جۇرگەندەرگە العىسىم شەكسىز. بارلىعىنان كەشىرىم سۇراپ، تاعى ءبىر مۇمكىندىك بەرۋلەرىڭىزدى سۇرايمىن. سوڭعى مۇمكىندىك»، - دەدى كۋادراس.
ەسكە سالايىق، اقپاندا WBC Silver تيتۋلى ءۇشىن تالاستا كۋادراس اررويودان جەڭىلىپ قالدى. بۇل جەكپە-جەككە مەكسيكالىقتى ءوز وتانداسى ابەل سانچەس دايىنداعان ەدى.
Kaz.tengrinews.kz
