07:52, 27 - ءساۋىر 2018 | GMT +5
قۇلاققاپ كيگەن وقۋشىنى پويىز باسىپ كەتتى
استانا. قازاقپارات - بەلورۋسسياداعى دوبرۋشسكي اۋدانىندا قۇلاققاپ كيگەن وقۋشىنى پويىز باسىپ كەتتى، دەپ حابارلايدى بەلتا.
گومەل وبلىستىق اتقارۋ كوميتەتى ءى ءى ب رەسمي وكىلى ۆيتالي پريستروموۆتىڭ ايتۋىنشا، كەلەڭسىز جاعداي 25- ساۋىردە 8.00 دە نوسوۆيچي ستانتسياسىنان نەبارى 30 مەتر قاشىقتىقتا بولعان.
«تەمىرجولدى كەسىپ ءوتىپ بارا جاتقان كامەلەتتىك جاسقا تولماعان 2002-جىلى تۋعان بالانى جۇك پويىزى قاعىپ كەتتى. اۋىر جاراقاتتانعان بالا جانساقتاۋ بولىمىندە جاتىر. جاس ءوسپىرىم - دوبرۋشسكي اۋدانىنىڭ تۇرعىنى»، - دەدى ۆيتالي پريستروموۆ.
