قازاقستاندا ا ق ش- تىڭ اسكەري بازاسىن اشۋ تۋرالى پايىم نەگىزسىز - ەلشىلىك

ماسكەۋ. قازاقپارات - سوڭعى كۇندەرى ءبىرشاما رەسەيلىك ب ا ق پەن ينتەرنەت- رەسۋرستاردا كاسپي تەڭىزىندەگى قازاقستاندىق پورتتاردى ا ق ش اسكەري- تەڭىز كۇشتەرى پايدالاناتىنى تۋرالى جانە ءتىپتى قازاقستان اۋماعىندا ا ق ش- تىڭ اسكەري بازاسى اشىلاتىنى تۋرالى نەگىزسىز پايىمدى ارقاۋ ەتكەن ءارتۇرلى ماتەريالدار جاريالاندى.

 بۇل تۋرالى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى حابارلايدى.

«ولاردىڭ (نەگىزسىز اقپاراتتاردىڭ - اۆت. ) پايدا بولۋىنا 2010 -جىلدىڭ 20 - ماۋسىمىندا قول قويىلعان ەكىجاقتى قازاقستاندىق- امەريكالىق كەلىسىمگە وزگەرىس ەنگىزۋ تۋرالى حاتتاما سەبەپ بولىپ وتىرعاندىقتان، تىلشىلەرگە اتالعان قۇجات تۋرالى مالىمەتتى ۇسىنامىز: قازاقستان رەسپۋبليكاسىنىڭ ۇكىمەتى مەن امەريكا قۇراما شتاتتارىنىڭ ۇكىمەتى اراسىنداعى اۋعانستان يسلام رەسپۋبليكاسىنىڭ تۇراقتىلىعى جانە قايتا قالپىنا كەلتىرۋ جونىندەگى ءىس- قيمىلعا امەريكا قۇراما شتاتتارىنىڭ قاتىسۋىنا بايلانىستى قازاقستان رەسپۋبليكاسىنىڭ اۋماعى ارقىلى ارنايى جۇكتىڭ كوممەرتسيالىق تەمىرجول ترانزيتىن قامتاماسىز ەتۋ تۋرالى كەلىسىمى.

سونىمەن بىرگە، ەنگىزىلگەن وزگەرىستەردىڭ ءماتىنىن كەلتىرەمىز:

كەلىسىمنىڭ 3-بابى 2-بولىگىن كەلەسى رەداكسيامەن بايانداۋ:

«2. ارنايى جۇك پەن بىرگە باراتىن پەرسونالدىڭ كوممەرتسيالىق تەمىر جول ترانزيتى كەلەسى باقىلاۋ- وتكىزۋ پۋنكتەرى ارقىلى ءوتۋى كەرەك:

ا) رەسەي فەدەارتسياسىنان/ رەسەي فەدەارتسياسىنا: يلەتسك/جايساڭ؛

ب) وزبەكستان رەسپۋبليكاسىنان/وزبەكستان رەسپۋبليكاسىنا: سارى- اعاش/كەلەس جانە/نەمەسە بەينەۋ/قاراقالپاقستان؛

ۆ) قازاقستان رەسپۋبليكاسىنان/قازاقستان رەسپۋبليكاسىنا: اقتاۋ پورتى؛

گ) قازاقستان رەسپۋبليكاسىنان/قازاقستان رەسپۋبليكاسىنا: قۇرىق پورتى».

جالپى، بۇل جەردە اۋعانستانداعى جاعدايدى تۇراقتاندىرۋعا اتسالىسۋ باعىتىنداعى بارلىق حالىقارالىق بىرلەستىكتەردىڭ كۇش سالۋى تۋرالى ايتىلىپ وتىر. بەلگىلى بولىپ وتىرعانداي، رەسەي فەدەراتسياسى  ا ق ش- پەن وسىنداي كەلىسىم جاساسىپ، ارنايى جۇكتەردى تاسىمالداۋعا قاتىسقان (ول جەردە قارۋلاندىرۋسىز ارنايى تەحنيكا تۋرالى ايتىلۋدا).

 وسىلايشا، جوعارىدا اتالعان رەسەيلىك ب ا ق پەن ينتەرنەت- رەسۋرستاردىڭ جاريالانىمدارىن جالعان جاڭالىقتاردىڭ قاتارىنداعى ويدان شىعارىلعان نەگىزسىز اقپارات دەپ ەسەپتەۋدى سۇرايمىز»، - دەلىنگەن حابارلامادا.

اۋدارما: ايان بەكەن ۇلى