ءتىلىمىز اۋەزدىلىگىنەن ايىرىلىپ بارا جاتىر - ساۋىتبەك ابدراحمانوۆ
دەپ حابارلايدى قازاقپارات ءتىلشىسى.
«راسىندا دا، ۇلكەن عىلىمي الەۋەت بار. عىلىمي دەگەن ءسوزدى قاداپ ايتقىم كەلەدى. ورتالىقتىڭ جۇمىسى عىلىم اكادەمياسىمەن، ءبىلىم جانە عىلىم مينيسترلىگىمەن قويان- قولتىق ءجۇرۋى ءتيىس. احمەت بايتۇرسىنوۆ اتىنداعى ءتىل ءبىلىمى ينستيتۋتى - نەگىزگى ءسوزدى ايتاتىن جەر. جاڭادان قۇرىلىپ جاتقان ورتالىقتىڭ ءمان- ماڭىزىنا ەشقانداي داۋ جوق. ءبىراق، ءبارىن الدىمەن شەشەتىن جەر - عىلىم بولۋى كەرەك. عارەكە (عاريفوللا ەسىم - اۆت. ) بارلىق ماسەلەلەردى عىلىم اكادەمياسى جانە احمەت بايتۇرسىنوۆ اتىنداعى ءتىل ءبىلىمى ينستيتۋتىمەن بىرلەسە اتقارۋ كەرەك. قاتارلاسىپ، جارىسىپ جۇمىس ىستەۋ - جاقسى ناتيجە بەرمەيدى»، - دەدى ساۋىتبەك ابدراحمانوۆ.
ءماجىلىس دەپۋتاتىنىڭ ايتۋىنشا، ءالىپبي اۋىستىرۋ - ءتىلدى اۋىستىرىپ، باسقاشا جازا باستاۋ ەمەس.
«وسى تاريحي مۇمكىندىك بىزگە بەرىلىپ وتىر. وسى تاريحي مۇمكىندىكتىڭ تۇسىندا ءبىز جازۋىمىزدى، ورفوگرافيانى وزگەرتىپ الۋىمىز كەرەك. ورفوگرافيالىق سوزدىكتى ينتەرنەتكە سالىپ تۇرىپ، جىلدار بويى تالقىلاماسا بولمايدى. جاڭاشا جازۋ ارقىلى عانا قازاقتىڭ قوڭىر داۋىسىن تىلىمىزگە قايتىپ الىپ كەلەمىز. وسى جاڭا ءالىپبي ارقىلى»، - دەدى ول.
ساۋىتبەك ءابدىراحمانوۆ سونىمەن قاتار، بارلىق كىرمە سوزدەر سول كۇيىندە جازىلادى دەپ، بارلىق اۋىسقان سوزدەردى ورىستىڭ جازىلۋى مەن لاتىن ارىپتەرىنە قايتا قوياتىن بولساق، ءتىلدىڭ اۋەزدىگىنەن تاعى دا ايىرىلاتىنىمىزدى ايتتى.
«ونسىز دا اۋەزدىك كەتىپ بارا جاتىر. اقىر اياعى انشىلەردىڭ ءوزى «اكەسى دونىڭ جاقسى ادام» دەپ ايتاتىن دارەجەگە جەتتى. سودان كەيىن سينگورمانيزم. مەكتەپ بالالارىن ايتپاعاندا، تەلەارنا ديكتورلارىنىڭ ءوزى «قايدا قالدى»، «قايدا كەتتى» دەپ سويلەيدى. ويتكەنى، ولار سۋفلەردان وقيدى. سۋفلەردا قايدا قالدى - ق ق- مەن بەرىلەدى. ءتىل بىلەتىن ادام «قايدا قارادى» دەيدى عوي. ياعني، ءبارى ءسوزدىڭ اۋەزدىلىگىنە بايلانىستى. ەندى وسى عاجاپ بولعاندا تەاتردىڭ ساحناسىنا شىعا باستادى. جازىلۋ بويىنشا سويلەۋ تەاتردىڭ ساحناسىنا دەيىن جەتتى. بۇكىل الەمدە ورفوگرافيا بويىنشا جازادى دا، ورفوەپيا بويىنشا سويلەيدى. وسى ماسەلەگە ءبىز قاتتى كوڭىل ءبولىپ، جازۋدىڭ زاڭدىلىعى بويىنشا جازاتىن، سويلەمنىڭ زاڭدىلىعى بويىنشا قالىپقا ءتىل رەفورماسى مۇمكىندىك بەرۋى ءتيىس. وسى جولدا جۇمىسقا ساتتىلىك تىلەيمىن»، - دەپ ءتۇيدى ماجىلىسمەن.
ەسكە سالا كەتسەك، بۇگىن ەلورداداعى ق ر ۇلتتىق اكادەميالىق كىتاپحاناسىندا شايسۇلتان شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىعىنىڭ اشىلۋ سالتاناتى ءوتتى. جيىنعا ق ر مادەنيەت جانە سپورت ءمينيسترى ارىستانبەك مۇحامەدي ۇلى، پارلامەنت دەپۋتاتتارى، مەملەكەت جانە قوعام قايراتكەرلەرى، بەلگىلى وتاندىق عالىمدار مەن قوعامدىق ۇيىمداردىڭ وكىلدەرى قاتىسقان بولاتىن.
