قىتايدا الەمدەگى ەڭ ۇلكەن ماسا تابىلدى

 استانا. قازاقپارات - قىتايدىڭ وڭتۇستىك- باتىسىندا قاناتى جايىلعاندا 11,15 سانتيمەرگە جەتەتىن ماسا تابىلدى، دەپ حابارلايدى South China Morning Post.

الىپ ماسانى چجاو لي اتتى قىتاي ەتنومولوگى سىچۋان پروۆينتسياسىنان وتكەن جىلدىڭ تامىز ايىندا ۇستاپ العان. سودان بەرى قىتايلىق مامان ونى زەرتتەپ، بۇل الەمدەگى ەڭ ءىرى ماسا ەكەندىگىن دالەلدەپ شىققان.

جاندىكتىڭ دەنەسى 5 س م، قاناتىن جايعانداعى ۇزىندىعى 11 س م، ياعني ادەتتەگى ماسادان 10 ەسە ۇزىن.

چجاو الىپ ماسا حالىڭ كوپشىلىككە ەرەكشە جاندىك رەتىندە مامىر ايىندا كورسەتىلەتىنىن ايتادى. ونىڭ كولەكتسياسىندا الەمنىڭ 40 ەلىنەن 700 مىڭنان استام جاندىك بار، بۇل ازياداعى ەڭ ءىرى جاندىكتەر مۇراجايى بولىپ تابىلادى.