قاز ۇ ۋ رەكتورى ەۋروپالىق ۋنيۆەرسيتەتتەر قاۋىمداستىعىنىڭ باسشىلىعىنا ۇسىنىلدى

استانا. قازاقپارات - ەۋروپالىق ۋنيۆەرسيتەتتەر قاۋىمداستىعىنىڭ (ە ۋ ا) تاعايىنداۋ جونىندەگى كوميتەتى ءال- فارابي اتىنداعى قاز ۇ ۋ رەكتورىن اتالمىش حالىقارالىق ۇيىمنىڭ پرەزيدەنتى لاۋازىمىنا ۇسىندى، دەپ حابارلايدى قازاقپارات.

قاۋىمداستىقتىڭ شتاب- پاتەرى بريۋسسەل قالاسىندا ورنالاسقان جانە ول ەۋروپاداعى 800 جەتەكشى ۋنيۆەرسيتەتتەردى بىرىكتىرەدى. ونىڭ قىزمەتى ەۋروپالىق ۋنيۆەرسيتەتتەرگە زاماناۋي قاجەتتىلىكتەرگە جانە جوعارى حالىقارالىق ستاندارتتارعا ساي ءتيىمدى دامۋعا كومەكتەسۋگە باعىتتالعان. ە ۋ ا پرەزيدەنتى عىلىم مەن ءبىلىمنىڭ كورنەكتى قايراتكەرلەرى اراسىنان ءۇش جىلعا ءبىر رەت سايلانادى.

كاسىپقوي، پروگرەسسيۆتى كوشباسشى، كورنەكتى عالىم جانە كوپتەگەن عىلىمي- ءبىلىم بەرۋ جوبالارىنىڭ باستاماشىسى رەتىندە عالىم مۇتانوۆ حالىقارالىق اكادەميالىق قوعامداستىقتا كەڭىنەن تانىمال. ەۋروپا كەڭىستىگىندە عىلىم جانە ءبىلىم سالاسىنداعى حالىقارالىق ىنتىماقتاستىقتى نىعايتىپ، دامىتقانى ءۇشىن قاز ۇ ۋ رەكتورى پولشا رەسپۋبليكاسى قىزمەت وردەنىنىڭ كاۆالەر كرەستى، فرانسيانىڭ پالما بۇتاعى اكادەميالىق وردەنى، «ءبىلىم جانە عىلىم سالاسىنداعى كورنەكتى ەڭبەگى ءۇشىن» اتتى اتاۋلى التىن مەدالىمەن جانە باسقا دا ماراپاتتارعا يە بولعان.

ونىڭ كانديداتۋراسىن ءبىرقاتار تانىمال ۋنيۆەرسيتەتتەر قولدادى. مىسالى، رەسەي حالىقتار دوستىعى ۋنيۆەرسيتەتىنىڭ رەكتورى ۆلاديمير فيليپپوۆ، رەسەي فەدەراتسياسىنىڭ بۇرىنعى ءبىلىم جانە عىلىم ءمينيسترى، ەۋروپالىق ۋنيۆەرسيتەتتەر قاۋىمداستىعىنىڭ باس حاتشىسىنا جولداعان قولداۋ حاتىندا اكادەميك عالىم مۇتانوۆ اسسوتسياتسيانىڭ پرەزيدەنتى لاۋازىمىنا تاعايىندالعان جاعدايدا، ە ۋ ا- نى پوزيتيۆتى كەلەشەك كۇتىپ تۇرعانىنا شىنايى سەنىم ءبىلدىردى.

«ونىڭ جەتەكشىلىگىمەن قاز ۇ ۋ الەمدەگى الدىڭعى قاتارلى ۋنيۆەرسيتەتتەردىڭ بىرىنە اينالدى» دەپ ايتىلعان ر ح د ۋ رەكتورىنىڭ جولداۋىندا.

قازاقستان وكىلىنىڭ جوعارى لاۋازىمعا ۇسىنىلۋى - مەملەكەتتىڭ جوعارى ءبىلىم جۇيەسىندەگى جەتىستىكتەرىنىڭ الەمدىك دەڭگەيدە تانىلۋىنىڭ جارقىن كورىنىسى.