16:01, 26 - ءساۋىر 2018 | GMT +5
اكەسى ساداقتىڭ كومەگىمەن ۇلىنىڭ ءتىسىن جۇلىپ، ونى ۆيدەوعا ءتۇسىرىپ الدى
استانا. قازاقپارات - ۆەتنام تۇرعىنى ۇلىنىڭ ءسۇت تىستەرىن ساداقپەن جۇلىپ الدى. ەرەكشە تاجىريبەنى ازامات ۆيدەوعا ءتۇسىرىپ العان.
بۇل تۋرالى شەتەلدىك ب ا ق- قا سىلتەمە جاساپ Stan.kz اقپاراتتىق اگەنتتىگى حابارلايدى.
بەينە- جازبا ۆەتنام ەلىنىڭ لاوكاي پروۆينتسياسىندا تۇسىرىلگەن. اكەسى جۇلىپ تاستاۋعا «سۇرانىپ تۇرعان» ءتىستى جىپپەن وراپ، ونى ادىرناعا بەكىتكەن. ول ۇلىنا شۇرىپپەنى باسۋعا كومەكتەسكەن. ۆيدەودان بۇل پروتسەدۋرانىڭ تەز ارادا جۇزەگە اسقانىن بايقاۋعا بولادى.
بۇدان كەيىن ۆەتنامدىق ازامات جاڭا جۇلىنعان ءتىس پەن ۇلىنىڭ اۋزىندا پايدا بولعان ويىقتى كورسەتتى. ولار بۇل تريۋكتى بىرنەشە مارتە جاساعان.
