قازاقستاندا ەڭبەك يمميگرانتتارىن راسىمدەۋ وڭتايلاندىرىلۋدا
بۇل تۋرالى ىشكى ىستەر ءمينيسترىنىڭ ورىنباسارى، پوليتسيا گەنەرال-مايورى ەرلان تۇرعۇمبايەۆ ۇجىمدىق قاۋىپسىزدىك تۋرالى شارت ۇيىمى مۇشەلەرىنىڭ 21- وتىرىسىندا مالىمدەدى، دەپ حابارلايدى قازاقپارات ءتىلشىسى.
جىل وتكەن سايىن قازاقستانعا جۇمىس ىستەۋ ماقساتىندا كەلەتىن شەتەل ازاماتتارىنىڭ سانى ارتىپ كەلەدى. اسىرەسە، وزبەكستان، ازەربايجان، تاجىكستان ەلدەرىنەن قازاقستانعا ەڭبەك ەتۋگە كەلەتىندەر كوپ. كەلۋشىلەر سانى ارتقاندىقتان، قازاقستان رەسپۋبليكاسى كوشى-قون زاڭناماسىنىڭ بۇزىلۋى دا جيىلەي تۇسكەن.
«وتكەن جىلى كوشى-قون زاڭناماسىن بۇزعان 109852 شەتەل ازاماتى اكىمشىلىك جاۋاپكەرشىلىككە تارتىلىپ، 13685 ازامات سوت شەشىمىمەن ەل اۋماعىنان الاستاتىلدى»، - دەيدى ەرلان تۇرعۇمبايەۆ.
ونىڭ ايتۋىنشا، ەڭبەك يمميگرانتتارىن راسىمدەۋ پروتسەسىن جەڭىلدەتۋ ارقىلى دامىعان ەلدەردەن كەلەتىن كاسىپكەرلەردىڭ ەل اۋماعىندا جۇمىس ىستەۋىنە قولايلىلىق جاسالادى.
«تۋريستەردىڭ كوپتەپ كەلۋىنە جانە ولار وزدەرىن قازاقستان اۋماعىندا قاۋىپسىز سەزىنۋىنە جاعداي جاساۋ ءبىزدىڭ مىندەتىمىز»، - دەيدى پوليتسيا گەنەرال-مايورى ەرلان تۇرعۇمبايەۆ.
ايتا كەتسەك، اعىمداعى جىل باسىنان ەڭبەك يمميگرانتتارىن راسىمدەۋ ورتالىعى شەتەل ازاماتتارىنا قىزمەت كورسەتىپ كەلەدى. وسىعان دەيىن بۇل پروتسەستى جۇزەگە اسىرۋ بىرنەشە كۇنگە سوزىلسا، قازىر نەبارى ءبىر ساعات ۋاقىت جۇمسالادى.
