ەرلەردى قوزدىرماۋ ءۇشىن دەنەگە جابىسىپ تۇراتىن كويلەك كيۋگە تىيىم سالىندى

استانا. قازاقپارات - تۇركىمەنستاندا دەنەگە جابىسىپ تۇراتىن كويلەك كيۋگە تىيىم سالىندى، - دەپ حابارلايدى «التەرناتيۆنىە نوۆوستي تۋركمەني» پورتالى.

ەندىگىدە كويلەكتەر دەنەنىڭ سيپاتىن ايشىقتاماي، تىك تۇرۋى ءتيىس ەكەن. كويلەكتىڭ ەتەگى جەرگە دەيىن ءتۇسىپ تۇرۋى مىندەتتەلىپ وتىر، تەك شۇلىق پەن اياق كيىم كورىنسە عانا بولدى. ال جەڭ ۇزىندىعى ساۋساقتارعا دەيىن جەتۋى ءتيىس ەكەن. «ەسكىلىككە ورالىپ جاتىرمىز، كيىز ءۇي زامانىنا. جاسىم 20 دا، مەن ەندى ارعى اجەمنىڭ كويلەگىمەن ءجۇرۋىم كەرەك پە ەكەن؟ كەلەسىدە نە، پارانجا؟»، - دەپ جازادى اشحاباد تۇرعىنى. ەلدەگى سۇلۋلىق سالوندارىندا ايەلدەر شاشىن جاپپاي قاراعا بوياتىپ جاتقان كورىنەدى. «بلوند ءتۇستى بوياۋدى بارلىق كاتالوگتان الىپ تاستاپ، كليەنتتەرگە اشىق ءتۇستى شاشتى تۇركىمەنستاندىق ايەلدەر ەر ادامداردى قوزدىرىپ، الدەبىر ارەكەتتەرگە يتەرمەلەيدى»، - باسىلىم تىلشىسىنە اشحابادتاعى سۇلۋلىق سالونىنىڭ شەبەرى.

ەسكە سالا كەتەيىك، وسىعان دەيىن تۇرىكمەنستاندا مەملەكەتتىك مەكەمەلەر مەن ۇيىمداردىڭ شەنەۋنىكتەرىنە تىرناق بوياپ، وسىرۋگە، كىرپىك وسىرۋگە، شاش بوياۋعا جانە التىن بۇيىمداردى تاعۋعا تىيىم سالۋ تۋرالى نورمانىڭ ەنگىزىلگەنى حابارلانعان بولاتىن. ءتىپتى قالاداعى سۇلۋلىق سالوندارىندا قىزمەتتىڭ بۇل تۇرلەرى تىزىمنەن الىنىپ، ەلگە كىرپىك پەن تىرناق وسىرۋگە ارنالعان ماتەريالداردى اكەلۋگە تىيىم سالىنىپتى. ال وسىدان كەيىن ايەلدەرگە ارنالعان وسىنداي ونىمدەردىڭ باعاسى 50 پايىزعا دەيىن قىمباتتاپ كەتكەن.

Kaz.tengrinews.kz