تاۋ بوكتەرىندەگى كوشكىن كولسايعا جىلجۋىن توقتاتتى - ت ج ك
«24- ساۋىردەگى جاعداي بويىنشا تاۋ جىنىستارىنىڭ جىلجۋى بايقالمايدى. تاۋ جىنىستارىنىڭ جالپى ۇزىندىعى 1700 مەتر، كولدەنەڭى - 920 مەتر»، - دەدى رۋسلان يمانقۇلوۆ.
ونىڭ ايتۋىنشا، وقيعا ورنىندا الماتى وبلىسى ت ج د جەدەل شتابى جۇمىس ىستەۋدە. شتاب كوماندالىق-شتابتىق كولىكتە ورنالاسقان، ول قاجەتتى بايلانىس قۇرالدارىمەن جابدىقتالعان.
الماتى وبلىسى ت ج د مەن ت ج ك «قاز سەلدەن قورعاۋ» م م كۇشتەرى تاۋ جىنىسىنىڭ قوزعالىس ديناميكاسىنا جانە كولساي وزەنىندەگى گيدرولوگيالىق احۋالىنا تاۋلىك بويى مونيتورينگ جۇرگىزۋدە.
ەسكە سالا كەتسەك، 19- ساۋىردە الماتى وبلىسىندا ق ر ءى ءى م ت ج ك «قاز سەلدەن قورعاۋ» م م گيدروبەكەتىنىڭ باقىلاۋشىلارى كوشكىن قاۋپى بار ۋچاسكەلەردى تەكسەرۋ بارىسىندا كەگەن اۋدانى اۋماعىندا تاۋ بوكتەرىنىڭ ورنىنان كوشكەنىن انىقتادى.
21- ساۋىردە كوشكىن ماسساسى ەكى ۋچاسكەگە ءبولىنىپ، وڭتۇستىك ۋچاسكە كولساي وزەنىنىڭ ارناسىنا جەتتى. ال سولتۇستىك بولىگى دە وزەنگە قاراي جىلجىدى جانە وزەنگە دەيىنگى اراقاشىقتىق 67 مەتردى قۇرادى.
23- ساۋىردەگى جاعداي بويىنشا كوشكىننىڭ كولساي وزەنىنە قاراي جىلجۋى ساعاتىنا 0,4 مەترگە دەيىن تومەندەدى.
قازىرگى كەزدە تاۋ جىنىستارىنىڭ كوشكىنى ەلدى مەكەندەرگە قاۋىپ ءتوندىرىپ تۇرعان جوق. سونداي-اق الماتى وبلىسىندا كوشكىن ورنىندا گەوگرافيا ينستيتۋتى عىلىمي قىزمەتكەرلەرى زەرتتەۋ جۇمىستارىن جۇرگىزدى.