اقىلى ءارى اقىلدى ورىندىقتار
نۇر-سۇلتان. قازاقپارات - قىتايدىڭ يانتاي قالاسىنداعى ساياباقتاردا اقىلى ورىندىقتار بار. ورىندىققا اقشا تولەنگەن جاعدايدا عانا جۋان ينەلەر ۋاقىتشا ورىندىق ىشىنە كىرىپ كەتەدى.
باسىندا ەكسپوزيتسيا رەتىندە جاسالعان بۇل ورىندىقتار يدەياسى نەمىس ءمۇسىنشىسى فابيان بريۋنسينگكە تيەسىلى. ءمۇسىنشى جۋان ينەلى ورىندىقتار ارقىلى جاڭا زاماننىڭ كوممەرتسيالىق قىسپاعىنا نارازىلىعىن ءبىلدىرىپتى. مۇنى قىتايلىقتار پايداعا اسىرىپ، بىرنەشە ساياباققا ورناتقان.
جەرگىلىكتى باسقارامانىڭ ايتۋىنشا، بۇل ورىندىقتار ءبىرىنشى كەزەكتە، دەمالىس ورىندارىندا ۇيسىزدەردىڭ كۇنى- ءتۇنى جايعاسىپ الۋىنا توسقاۋىل بولماق، ەكىنشىدەن، دەمالىس كۇندەرى ادامداردىڭ شامادان تىس كوبەيىپ كەتپەۋىنە سەپتىگىن تيگىزبەك. جۋان ينەلەر ادامدار ءۇشىن قاۋىپسىز، ءبىراق وندا وتىرۋ تىم ىڭعايسىز كورىنەدى. بۇل ورىندىقتارعا وتىرعاندا باستىسى دەر كەزىندە تۇرىپ كەتۋ كەرەك- اق.
Massaget.kz
