قىتاي شەكاراشىلارى رەسەيلىك جۇلدىز لوليتانى ەر اداممەن شاتاستىرىپ العان

استانا. قازاقپارات - قىتاي-رەسەي شەكاراسىنداعى شەكاراشىلار تانىمال ءانشى لوليتا ميلياۆسكايانى ەر اداممەن شاتاستىرىپ العان.

ءانشىنىڭ ايتۋىنشا، شەكاراشىلار ءتولقۇجاتتاعى ءانشىنىڭ جىنىسىن كورگەندە تاڭىرقاپ قالعان.

بۇل تۋرالى لوليتا ءوزىنىڭ Instagram-داعى پاراقشاسىندا جازدى، دەپ حابارلايدى Stan.kz اقپاراتتىق اگەنتتىگى.

ءانشىنىڭ ايتۋىنشا، قىتايلىق ازامات ۇزاق ۋاقىت بويى ونىڭ ءتولقۇجاتىن اينالدىرىپ، ويلانىپ تۇرعان. اقىرىندا اۋدارماشىنىڭ كومەگىنە جۇگىنىپ، لوليتادان: «ءسىز ەرسىز بە الدە ايەلسىز بە؟» - دەپ تىكەسىنەن سۇراعان.

ءانشى ۇزاق ويلانباستان: «ايەلمىن، ءبىراق جۇمىرتقام بار»، - دەپ جاۋاپ بەرگەن.

ءارتىستىڭ ايتۋىنشا، شەكاراشى ونىڭ ايتقانىن تولىق تۇسىنبەگەن. الايدا ءبىراز ۋاقىتتان سوڭ لوليتانى رەسەي شەكاراسىنا وتكىزگەن.