19:50, 23 - ءساۋىر 2018 | GMT +5
ارمەنيا پرەمەر- ءمينيسترى سەرج سارگسيان وتستاۆكاعا كەتتى
استانا. قازاقپارات - جاڭا قىزمەتكە 17 - ءساۋىر كۇنى تاعايىندالعان ارمەنيا پرەمەر- ءمينيسترى سەرج سارگسيان وتستاۆكاعا كەتۋگە ءوتىنىش بەردى، دەپ حابارلايدى ارمەنپرەسس.
بۇل تۋرالى دۇيسەنبى كۇنى ارمەنيا ۇكىمەتى باسشىسىنىڭ ءوزى ايتقان.
«قۇرمەتتى وتانداستار! بارلىق ارمەنيا ازاماتتارى، اعا بۋىن مەن جاستار وكىلى قارىنداستار مەن انالار، اعالار مەن ىنىلەر سىزدەرگە ەل باسقارۋشى ادام رەتىندە سوڭعى ءسوزىمدى ايتامىن.
نيكول پاشينيان دۇرىس قادام جاسادى. مەن قاتەلەسىپپىن. بۇل ماسەلەنىڭ بىرنەشە شەشىمى بولدى، ءبىراق مەن ونىڭ ەشقايسىسىنا بارمايمىن. بۇل مەن جاسايتىن نارسە ەمەس. مەن ەل باسشىلىعىنان، ياعني ارمەنيا پرەمەر- ءمينيسترى لاۋازىمىنان باس تارتامىن. كوشەدەگى حالىق ماعان قارسىلىق بىلدىرۋدە. مەن سىزدەردىڭ تالاپتارىڭىزدى ورىندايمىن. ءبىز ءومىر ءسۇرىپ جاتقان ەلگە بەيبىتشىلىك پەن ۇيلەسىم جانە قاجەتىنشە اقىل- پاراسات تىلەيمىن»، - دەدى سەرج سارگسيان.
