تەڭگەنىڭ السىرەۋى اۆتوكولىك قۇنىنا قالاي اسەر ەتەدى
بۇل تۋرالى «قازاۆتوونەركاسىپ» اۆتوكولىك سالاسى كاسىپورىندارى وداعىنىڭ باسشىسى ولەگ الفەروۆ ءمالىم ەتتى، دەپ حابارلايدى Sputnik قازاقستان.
«ۆاليۋتا باعامى كۇرت وزگەرگەندە تۇتىنۋشىلار بۇرىنعى باعامەن ساتىپ الۋعا تىرىسادى. ءوز كەزەگىندە نارىق قاتىسۋشىلارى شىعىنعا باتقىسى كەلمەي، يمپورتتالاتىن ءونىمنىڭ باعاسىن وسىرەدى. 10 - ساۋىردەگى ا ق ش- تىڭ رەسەيگە قاتىستى ەنگىزگەن سانكتسيالارىنا بايلانىستى تۋىنداعان جاعداي ازىرگە ساتىپ الۋشىلاردىڭ بەلسەندىلىگىنە اسەر ەتكەن جوق. كەرىسىنشە، تۇتىنۋشىلاردىڭ ءبىر بولىگى كولىكتى بۇرىنعى باعاسىمەن ساتىپ الىپ جاتىر. ءبىراق بۇل قىسقامەرزىمدى سيپاتتاعى جاعداي»، - دەدى الفەروۆ.
جالپى العاندا، ونىڭ ايتۋىنشا، سانكتسيا مەن ونىڭ باعاعا ىقپالى جونىندەگى ماسەلەنىڭ جاعدايعا بايلانىستى قابىلداناتىن جانە ستراتەگيالىق جوسپارى بار. ءارقايسىسىنىڭ ءوز ۋاقىتى جانە ماسەلەنى شەشەتىن ءوز جولى بولادى.
«تەڭگە مەن رۋبل ءساۋىردىڭ سوڭىنا دەيىن بۇرىنعى مانىنە كەلمەسە، وندا بۇل جاعداي قازاقستان مەن رەسەيدە اۆتوكولىك باعاسىنىڭ ءبىرشاما وسۋىنە ىقپال ەتەدى. سۇرانىسقا، ءتىپتى بيىلعى جىلعا كوزدەلگەن نارىقتى قالپىنا كەلتىرۋ بولجامىنا اسەر ەتۋى مۇمكىن»، - دەپ ەسەپتەيدى «قازاۆتوونەركاسىپ» باسشىسى.
بۇل جاعدايدا، ونىڭ پايىمداۋىنشا، سۇرانىستىڭ تومەندەۋىنە بايلانىستى بولعان شىعىندى وتەۋ ءۇشىن اۆتوونەركاسىپ سالاسىنا جوسپارلانباعان قولداۋ كورسەتۋ كەرەك بولادى. ەكىنشىدەن، سىرتقى نارىقتى يگەرۋگە كومەكتەسەتىن جولداردى ىزدەۋ قاجەت.
«ستراتەگيالىق بولاشاق تۋرالى ايتار بولساق، وتاندىق اۆتونارىق بىرەگەي ساناتقا جاتپايدى، ول يمپورت پەن ۆاليۋتالىق باعامنىڭ قۇبىلۋىنا بارىنشا تاۋەلدى. مۇنىمەن قالاي كۇرەسۋ كەرەك؟ ەكى ءتاسىلى بار. ءبىرىنشى، وقشاۋلاۋدى كۇشەيتۋ قاجەت. بۇگىندە ول ورتاشا العاندا %36 دى قۇرايدى. بۇل كورسەتكىشتى جوعارىلاتۋعا مۇمكىندىك بار. ەكىنشىدەن، سىرتقى نارىقتاردى يگەرۋ كەرەك. بۇل وتاندىق اۆتونارىقتىڭ ۆاليۋتالىق قۇبىلۋدان تاۋەلسىزدىگىن ارتتىرىپ قانا قويماي، وتاندىق ەكونوميكانىڭ تولەم بالانسىن كۇشەيتۋگە جاقسى اسەر ەتەدى»، - دەيدى الفەروۆ.
