دۋباي قالاسىندا ەرەكشە قوناقۇي اشىلدى
سۋداعى قوناقۇيدە 1 مىڭ 300 ءنومىر، مۇراجاي جانە 13 مەيرامحانا بار، دەپ حابارلايدى Baq.kz اقپارات اگەنتتىگى mir24.tv سايتىنا سىلتەمە جاساپ.
قوناقۇيدە تۇنەپ شىعۋ 200 دوللاردان باستالسا، ەڭ قىمبات بولمە 15 مىڭ دوللار تۇرادى. جالپى العاشقى ساپارعا 1969 -جىلى اتتانعان لاينەر الەمدى 25 رەت شارلاپ، 2 جارىم ميلليون جولاۋشى تاسىمالداعان. 2008 -جىلى بىرىككەن اراب امىرلىكتەرى ونى 100 ميلليون دوللارعا ساتىپ الدى. ءبىراق قارجى داعدارىسىنا بايلانىستى قوناقۇيگە اينالدىرۋ جوسپارى 10 جىلعا سوزىلعان.
«وسى كەمەمەن كەتىپ بارا جاتىپ، داۋىلعا تاپ بولعانىمىز ەسىمدە. كاپيتان جولاۋشىلارعا سول جەردە 1 كۇن تۇنەپ، ساپاردى ودان كەيىن عانا جالعاستىراتىنىن حابارلادى. دۇلەي جەل لاينەردى قاتتى شايقاپ، 30 مەترلىك تولقىن بىرنەشە بولمەنىڭ تەرەزەسىن سىندىردى. ايتەۋىر كەمە داۋىلدان امان- ەسەن شىقتى. وسى كەمەمەن ساياحاتتاعاندىقتان، ونى ءوز كوزىمىزبەن كورۋگە كەلدىك. كەلەسى جولى وسى قوناقۇيدە تۇراقتاماقپىز. بۇل لاينەر بىزگە قاتتى ۇنايدى» ، - دەيدى امەريكالىق ساياحاتشى داۆيد شرەينەر.
