اسقار جۇماعاليەۆ استاناداعى اقپاراتتىق تەحنولوگيا حابى تۋرالى ايتتى

استانا. قازاقپارات - ق ر پرەمەر- ءمينيسترىنىڭ ورىنباسارى اسقار جۇماعاليەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا وزىمىزدە قۇرىلاتىن يننوۆاتسيالىق ەكوجۇيە تۋرالى ايتتى، دەپ حابارلايدى «قازاقپارات».

«دامىپ جاتقان ادامزات الەۋەتىن ەسەپكە الا وتىرىپ ءوزىمىزدىڭ يننوۆاتسيالىق ەكوجۇيەمىزدى قۇرۋعا كۇش سالىپ جاتىرمىز. وسى باعىتتا ۇلكەن جۇمىستار جاسالىپ جاتىر. مەملەكەت باسشىسىنىڭ تاپسىرماسىمەن استانا ІТ- حاب جاسالۋدا. وعان جاس ІТ- مامانداردى تارتۋ ءۇشىن قاجەتتى جاعدايلاردى جاساۋ ۇستىندەمىز. بۇل - تەگىن كەڭسە جانە تۇراتىن جەر، دامىعان تەحنيكالىق ينفراقۇرىلىم. ІТ- حاب كەشەنى اياسىندا باعدالامالاۋ مەكتەبىن اشامىز. ول جەردە ءبىزدىڭ بولاشاقتاعى يننوۆاتسيالىق ستارتاپتاردى جۇزەگە اسىراتىن بالالار دايىندالاتىن بولادى»، - دەيدى اسقار جۇماعاليەۆ.

ونىڭ ايتۋىنشا، اعىمداعى جىلدىڭ اقپان ايىندا قىزىقتى يدەيالارى مەن ІТ- جوبالارى بار جاستارعا ارنالعان جاڭا باعدارلامالار ىسكە قوسىلعان.