وڭتۇستىك كورەيا سولتۇستىك كورەيا مەن شەكاراداعى ۇگىت- ناسيحاتتى توقتاتادى
دەپ حابارلايدى Yonhap اگەنتتىگى رەسپۋبليكانىڭ ۇلتتىق قورعانىس مينيسترلىگىنە سىلتەمە جاساپ.
«ۇلتتىق قورعانىس مينيسترلىگى دۇيسەنبىدەن باستاپ سولتۇستىك كورەياعا قارسى باعىتتالعان اسكەري- دەماركاتسيالىق جەلىگە جاقىن جەردە داۋىس زورايتقىش ارقىلى حابار تاراتۋدى توقتاتتى»، - دەپ كەلتىرەدى Yonhap اگەنتتىگى ۆەدومستۆونىڭ مالىمدەمەسىن.
قورعانىس مينيسترلىگىندە اتالىپ وتكەندەي، مۇنداي قادام «وڭتۇستىك پەن سولتۇستىك اراسىنداعى اسكەري شيەلەنىستى ازايتۋعا جانە بەيبىت كەلىسىمدەر ءۇشىن جاعداي تۋدىرۋعا» باعىتتالعان.
1963 -جىلى باستاعان، پحەنيان دا رەسپۋبليكاعا قارسى وسىنداي شارالاردى قولدانعان. 2015 -جىلى ەكى ەل شەكارادا ۇگىت- ناسيحات حابارىن تاراتۋدى توقتاتۋ تۋرالى كەلىسىم جاساعان، الايدا 2016 -جىلدىڭ قاڭتارىندا سەۋل ك ح د ر يادرولىق قارۋدى سىناقتان وتكىزگەننەن كەيىن داۋىس زورايتقىشتى قايتا قولدانا باستادى.
كورەيا رەسپۋبليكاسىنىڭ دەلەگاتسياسى 5 - ناۋرىزدا ك ح د ر كوشباسشىسى كيم چەن ىنمەن پحەنياندا كەزدەستى. كەلىسسوزدەر بارىسىندا ەكى ەلدىڭ كوشباسشىلارىنىڭ كەزدەسۋىن وتكىزۋ تۋرالى كەلىسىمگە قول جەتكىزىلدى. 21 - ساۋىردە كيم چەن ىن كورەيا ەڭبەك پارتياسى پلەنارلىق سەسسياسىنىڭ قورىتىندىسى بويىنشا ك ح د ر- دىڭ يادرولىق جانە زىمىران سىناقتارىن توقتاتاتىنىن ءمالىم ەتتى.
فوتو: Yonhap
