14:54, 23 - ءساۋىر 2018 | GMT +5
ترامپ: سولتۇستىك كورەيا ماسەلەسىنىڭ شەشىلۋىنە ءالى ەرتە
استانا. قازاقپارات - ا ق ش پرەزيدەنتى دونالد ترامپ سولتۇستىك كورەيانىڭ يادرولىق داعدارىسىنىڭ «شەشىمىن تابۋعا ءالى ەرتە» ەكەنىن مالىمدەپ، پحەنياننىڭ يادرولىق جانە زىمىران سىناعىن ۋاقىتشا توقتاتۋ تۋرالى مالىمدەمەسىنە قاتىستى وپتيميستىك كوڭىل-كۇيدى باستى.
«ءبىز سولتۇستىك كورەيا ماسەلەسىن شەشۋدەن ءالى الىس تۇرمىز. مۇمكىن، بارلىعى رەتتەلىپ كەتەر، بالكىم رەتتەلمەس: تەك ۋاقىت تورەشى. ءبىراق مەنىڭ قازىر جاساپ جاتقانىمدى باياعىدا-اق جاساۋ كەرەك ەدى» دەپ جازدى ترامپ Twitter- دە.
جەكسەنبىدە وڭتۇستىك كورەيادا سوڭعى ون جىلداعى سولتۇستىك كورەيا مەن ا ق ش باسشىلارىنىڭ العاشقى كەزدەسۋىنە دايىندىق قىزۋ جۇرگىزىلىپ جاتقانى حابارلانعان. كەزدەسۋدىڭ قاشان جانە قايدا وتەتىنى تۋرالى ازىرگە رەسمي مالىمەت جوق.
«ازاتتىق»
