رەسەيدىڭ ساراتوۆ وبلىسىندا ناۋرىز مەرەكەسى تويلاندى
قوناقتار ۇلتتىق ونەردى تاماشالاپ، سپورتتىق سايىستارعا قاتىستى. مەرەكەگە ارنايى تىگىلگەن 14 كيىز ۇيدە ۇلتتىق تاعامدار دايىندالدى. سونىمەن بىرگە اۋىل-شارۋاشىلىعى جارمەڭكە ۇيىمداستىرىلىپ، قولونەر شەبەرلەرىنىڭ كورمەسى قوناقتار نازارىنا ۇسىنىلدى.
ساراتوۆ وبلىسىنىڭ گۋبەرناتورى ۆالەري رادايەۆ ءوزىنىڭ قۇتتىقتاۋ سوزىندە ناۋرىزدىڭ كوكتەمدەگى جاڭارۋ مەرەكەسى ەكەندىگىنە توقتالدى.
«كوكتەمدە حالىقتى ءبىر جەرگە جيناپ، ناۋرىز مەرەكەسى ۇلتتىڭ سالت-ءداستۇرىن جاڭعىرتىپ جاتىر. ءبىز وسى ارقىلى ءبىر-ءبىرىمىزدى تەرەڭىرەك تاني تۇسەمىز»، - دەدى ول.
رەسەي قازاقتارىنىڭ فەدەرالدىق ۇلتتىق-مادەني اۆتونومياسىنىڭ پرەزيدەنتى توقتارباي دۇيسەنبايەۆ جينالعانداردى ناۋرىز مەركەسىمەن قۇتتىقتاي كەلە، ساراتوۆ جەرىندە بيىل ءتورتىنشى مارتە ناۋرىز تويى ءوتىپ جاتقاندىعىن ايتتى.
مەرەكە سوڭى «ناۋرىز ارۋى» بايقاۋىنا ۇلاستى. ناۋرىز الاۋى كراسنىي كۋت اۋدانىنان 2019-جىلى كوكتەم مەرەكەسىن وتكىزەتىن روۆەنسكي اۋدانىنا سالتاناتتى تۇردە تاپسىرىلدى.
