تۇركياعا باراتىن قىتايلىق تۋريستەر سانى كۇرت كوبەيدى
اعىمداعى جىلدىڭ العاشقى ايلارىندا تۇركياعا كەلگەن قىتايلىق تۋريستەردىڭ سانى ارتىپ قانا قويعان جوق، مۇنىڭ الدىنداعى جىلمەن سالىستىرعاندا جاراتقان شىعىندارى دا كوبەيدى، دەپ حابارلايدى «قازاقپارات» ح ا ا انادولى اگەنتتىگىنە سىلتەمە جاساپ.
ءىرى Global Blue كومپانياسىنىڭ دەرەكتەرىنە قاراعاندا، 2018-جىلدىڭ العاشقى توقسانىندا قىتايلىق تۋريستەردىڭ تۇركيادا جۇمساعان شىعىنى وتكەن جىلمەن سالىستىرعاندا 166 پروتسەنتكە وسكەن.
شىعىن بويىنشا قىتايلىقتاردان كەيىن ۇلى بريتانيا كەلەدى. 2018-جىلدىڭ العاشقى توقسانىندا بريتاندىق تۋريستەردىڭ جاراتقان قارجىسى وتكەن جىلمەن سالىستىرعاندا 83 پروتسەنتكە كوبەيدى. اتاپ ايتقاندا، ءار ادام باسىنا شاققاندا سەگىز مىڭ تۇركى ليرىنەن (1959 دوللار) كەلىپ وتىر.
ودان كەيىن كاتار، ساۋد اراۆياسى، گەرمانيا، رەسەي، ازەربايجان جانە يران تۇر.
