قىدىرالى بولمانوۆتىڭ ۇلى ەڭ اقىلدى استانالىق وقۋشى اتاندى

استانا. قازاقپارات - استانادا قىدىرالى مەن قاراقاتتىڭ ۇلى ەڭ اقىلدى وقۋشىلاردىڭ ءبىرى رەتىندە مويىندالدى، دەپ حابارلايدى «جاس وتان» جاستار قاناتىنىڭ استانا قالالىق فيليالىنىڭ باسپا ءسوز قىزمەتى.

«13 -ساۋىردە «جاس وتان» جاستار قاناتىنىڭ استانا قالالىق فيليالى جاستار اراسىندا IQ START زياتكەرلىك تەستىن وتكىزدى. تەستىلەۋگە استانانىڭ 84 مەكتەبىنەن 400 دەن اسا وقۋشى قاتىستى. ولاردىڭ ىشىندە 7 ادام ۇزدىك ناتيجە كورسەتتى. ولاردىڭ قاتارىندا تانىمال پروديۋسەر، ءانشى قىدىرالى بولمانوۆ پەن ءانشى قاراقات ءابىلدينانىڭ ۇلى بەكبولات بولمانوۆ بار»، - دەپ حابارلادى «جاس وتان» باسپا ءسوز قىزمەتى.

ايتا كەتسەك، تەستىلەۋگە ەلوردالىق مەكتەپتەردىڭ 9-11 -سىنىپ وقۋشىلارى قاتىستى.

ءوز كەزەگىندە قىدىرالى بولمانوۆ Instagram جەلىسىندەگى پاراقشاسىندا قۋانىشتى جاڭالىعىمەن ءبولىستى. پروديۋسەردىڭ ايتۋىنشا، بۇل ۇلىنىڭ العاشقى سەرتيفيكاتى ەكەن.

«ۇلىمىزدىڭ «جاس وتاننان» العان العاشقى سەرتيفيكاتى»، - دەپ جازدى قىدىرالى بولمانوۆ.