اقتوبەدە رەسپۋبليكالىق اقىندار ايتىسى ءوتتى
ايتىسقا قىزىلوردا، قاراعاندى، پاۆلودار، جامبىل، الماتى، اقتوبە وبلىستارىنان 18 اقىن قاتىستى. ءسوز سايىسىندا اقىندار ەل بىرلىگى، ۇلت تۇتاستىعى، تاۋەلسىزدىك جىلدارىنداعى جەتىستىكتەرىمىزدى جىرلادى. بارلىعى 7 ساعاتتان استام ۋاقىتقا سوزىلعان ايتىسقا ق ر حالىق ءارتىسى ءاسانالى ءاشىموۆ، ءانشى- كومپوزيتور التىنبەك قورازبايەۆ، ءداستۇرلى ءانشى تاتايانا بۋرميستروۆا، اقىندار سەرىك اقسۇڭقار ۇلى مەن سەرىك قاليەۆ تورەلىك ەتتى.
ناتيجەسىندە 12 اقىن ىنتالاندىرۋ سىيلىعىنا يە بولىپ، ايتىسكەر اقىندار ءاليحان جاقسىلىق، مەيىربەك سۇلتان مەن يران- عايىپ كۇزەنبايەۆ 500 مىڭ تەڭگەنىڭ سىيلىعىن الدى. ەكىنشى ورىن، 1 ميلليون تەڭگە رينات زايىتوۆقا بۇيىردى. ال ءبىرىنشى ورىن مەن 1,5 ميلليون تەڭگە اقشالاي سىيلىقتى بولاتبەك ورازبايەۆ الدى. ال باس جۇلدە، 2 ميلليون تەڭگەنى اقتوبەلىك اقىن ەرشات قايبولدين يەلەندى.
ايتا كەتەيىك، اقىندار ايتىسى كەزىندە نارتاي تىلەۋقۇل «كورەرمەن كوزايىمى» بولىپ، اسانالى ءاشىموۆ اتىنداعى شىعارماشىلىق قولداۋ جانە ناسيحاتتاۋ قورىنىڭ ارنايى سىيلىعىن قاراعاندىلىق ديدار قاميەۆ الدى.
«اقتوبەدە مەيرام، تاريحي كەزەڭ بولدى. حالىق الدىندا جۇرگەن اقىنداردىڭ ءارقايسىسى ءبىر- ءبىر تۇلعا. اقىنداردىڭ ايتقان ءسوزى كورەرمەن قۇلاعىندا قالادى. حالىق، ەل ءۇشىن جاقسى سوزدەر ايتىلدى. «ونەردىڭ جانى قۇشتارلىق، جاۋى ءىشتارلىق». سول قۇشتارلىق حالىققا بەرىلدى، ايتىلدى»، - دەدى ءاسانالى ءاشىموۆ.
اقىندار بۇگىن ەل بىرلىگى، تاتۋلىق تۋرالى جىرلاپ، ءوزارا ازىلدەستى.
اۆتور: التىناي ساعىندىقوۆا
