20:51, 19 - ءساۋىر 2018 | GMT +5
رۇقسات ەتىلمەگەن جەرگە توقتاعانى ءۇشىن سالىناتىن ايىپپۇل كولەمى بەلگىلى بولدى
استانا. قازاقپارات - كولىك قۇرالدارىن قاڭتارۋ نەمەسە توقتاۋ ءتارتىبىن بۇزعان جۇرگىزۋشىلەرگە سالىناتىن ايىپپۇل كولەمى بەلگىلى بولدى، دەپ حابارلايدى «قازاقپارات» ءتىلشىسى.
«ق ر ا ق ب ت ك 597-بابىنا «كولىك قۇرالدارىن توقتاتۋ نەمەسە توقتاپ تۇرۋ قاعيدالارىن بۇزۋ» سايكەس، اۆتوتۇراق اقىسىنان جالتارعان جۇرگىزۋشىلەرگە ءۇش ا ە ك كولەمىندە، ياعني 7215 تەڭگە ايىپپۇل سالىنادى. ەگەر جىل كولەمىندە ءدال وسى ارەكەت تاعى قايتالانسا ايىپپۇل 5 ا ە ك بولادى» ، - دەدى استانا قالالىق ءى ءى د اكىمشىلىك پوليتسيا باسقارماسى باسشىسىنىڭ ورىنباسارى سىمبات شوقىتايەۆ.
ونىڭ ايتۋىنشا، ارنايى ۇلگىدەگى تۇبىرتەك اكىمشىلىك قۇقىق بۇزۋشىلىق تۋرالى كودەكستىڭ 822-1 بابىنىڭ 3-تارماعىنا سايكەس، اكىمشىلىك قۇقىق بۇزۋشىلىق جاعدايى انىقتالعان كۇننەن باستاپ ون كۇن ىشىندە كولىك قۇرالىنىڭ جۇرگىزۋشىسىنە نەمەسە يەسىنە جىبەرىلەدى.
